عربیستان قادینلارینا وئریلن حاق اویقولامادا
قادینلار، اؤلکه تاریخینده ایلک دفعه، کیشی قیوملارینین ایجازهسی اولمادان یورددیشینا سیاحت ائدهبیلهجک
سعودی عربیستاندا قادینلارین، اؤلکه تاریخینده ایلک دفعه، کیشی قیوملارینین ایجازهسی اولمادان یورددیشینا سیاحت ائتمهلرینه ایمکان تانییان دۆزنلهمهلر اویقولامایا قویولدو.
سعودی عربیستان خبر آژانسی ایسپانین ایچ ایشلری باخانلیغیندان بیر مقاما دایاندیردیغی خبره گؤره، پاسپورت و مدنی حال ایدارهلری ایله بونلارین اؤلکهدهکی شعبهلرینده سؤز قونوسو دۆزنلهمهلر اویقولامایا قویولدو.
یئتکیلی، یئنی آنلاشمالار ایله باغلی سواللاری اولانلارین ایلگیلی مقاملارلا ارتباطا گئچمهسینی ایستهدی.
سعودی عربیستاندا ۲ آگوستدا رسمی قزئتده یاییملانان قرارنامهده، قادینلارا، آتا، ائش، قارداش و حتی اوغوللاری کیمی کیشی قیوملارین ایجازهسی اولمادان پاسپورت چیخارما و یورد دیشینا سیاحت ائتمه قونوسوندا کیشیلره تانینان حاقلارین عینیسینین تانینماسی نظرده توتولموشدو.
سؤز قونوسو دۆزنلمهلرین اؤنجهسینده قادینلار (هانسی یاش قروپوندان اولورسا اولسون) و ۲۱ یاشیندان کیچیک کیشیلرین یورددیشینا ائدجکلری سیاحتلرده قیوملارینین ایجازهسینی آلماسی لازیم ایدی.
یئنه عینی دۆزنلهمهلر، ائولی قادینلارین ایقامت آدرسینین ائشین ایقامت آدرسی اولماسی مجبوریتینی اورتادان قالدیرارکن، قادینلارا ایلک دفعه دوغوم، ائولیلیک، بوشانما و رسمی عائله سندلرینین چیخاریلماسی ایله کیچیک اوشاقلارین حضانتینین آلینماسی حاقینی دا وئریر.