شمخانی: "ایران، موذاکیره ماساسینا اوتورمایاجاق
"من، ساحهدهکی گرچکلری گؤرمهیهن اؤلکهنین، ایسراییلین یوخ اولماسینی ایستهدیگینه اینانیرام"

ایران میللی گوونلیک یوکسک شوراسینین باش کاتیبی علی شمخانی، اولاسی بیر ساواشدا ایستیفاده ائتمک اوچون تهرانین وکالت ساواشی داخیل بیر چوخ واسطهیه صاحب اولدوغونو و ساواشین آمریکا بیرلشمیش دؤولتلری ایله بؤلگهدهکی متفیقلری اوچون قورخونج اولاجاغینی سؤیلهدی.
شمخانی، آمریکا بیرلشمیش دؤولتلرینین انبیسی نیوز تلویزیونونا دانیشدی.
آمریکا بیرلشمیش دؤولتلرینین نوکلئر آنلاشمادان چکیلمهسیندن سونرا ایراندا بیر چوخ انسانین نوکلئر آنلاشمانین بیر یانلیش اولدوغونو دوشونمهیه باشلادیغینی ایفاده ائدن شمخانی، اؤزونون ده اونلاردان بیری اولدوغونو دیله گتیردی.
آمریکا بیرلشمیش دؤولتلرینی بؤلگهده گرگینلیین قایناغی و سالدیرقان اولاراق دگرلندیرن شمخانی، واشینگتون رهبرلیگینین ماکسیموم باسقی سیاستیله هدفینین موذاکیره اولمادیغینی و ایرانی تسلیم آلماغا چالشدیغینی ایفاده ائتدی.
شمخانی، "ایران، آمریکا بیرلشمیش دؤولتلری باسقی سیاستی ایزلدیگی مدتجه اصلا موذاکیره ماساسینا اوتورمایاجاق" دئدی.
ایرانین ایسراییلی یوخ ائتمک ایستهییب ایستمهدیگینین سوروشولماسی اوزرینه تهرانین بئله بیر نیتینین اولمادیغینی سؤیلهیهن شمخانی، "ایسراییلین عاقبتینی فیلیسطین خالقی معین ائدجک" ایفادهسینی ایشلتدی.
آمریکا بیرلشمیش دؤولتلری رهبرلیگینین قدسو باشکند اعلان ائتمهسی و عصرین آنلاشماسی اولاراق سیاستینین ایسراییلی ییخیما دوغرو گؤتوردوگونه دقت چکن شمخانی، "من، ساحهدهکی گرچکلری گؤرمهیهن اؤلکهنین، ایسراییلین یوخ اولماسینی ایستهدیگینه اینانیرام" دئیه دانیشدی.
ایران ایله آمریکا بیرلشمیش دؤولتلری آراسینداکی گرگینلیین ساواشا چئوریلمه احتیمیالینین آز اولدوغونو وورغولایان شمخانی، اولاسی ساواش، آمریکا بیرلشمیش دؤولتلری و متفیقلری اوچون قورخونج اولاجاق. ایرانین الینده وکالت ساواشی داخیل بیر چوخ واسطه وار.
آمریکا بیرلشمیش دؤولتلرینین بؤلگهده و دونیادا زدهلنمیش تصویرینین داها چوخ ییخیلاجاغینا دایر هئچ بیر شبهه یوخدور" دئدی.