افغانیستان‌دا پارتلاییش: 63 نفر اؤلدو

افغانیستانین باشکندی کابیل‌ده دونن گئجه بیر تویدا ائدیلن اینتیحار سالدیریسیندا آرا‌لاریندا قادین و اوشاق‌لارین اولدوغو 63 نفر اؤلدوغو، 182 نفر یارالانیب

1254191
افغانیستان‌دا پارتلاییش: 63 نفر اؤلدو

افغانیستانین باشکندی کابیل‌ده دونن گئجه بیر تویدا ائدیلن اینتیحار سالدیریسیندا آرا‌لاریندا قادین و اوشاق‌لارین اولدوغو 63 نفر اؤلدوغو، 182 نفر یارالانیب.

افغانیستان ایچ ایشلر ناظیرلیگی سؤزچوسو نصرت رحیمی، مطبوعاتا ائتدیگی آچیقلامادا، کابیل‌ین 6. امنیت بؤلگه‌سین‌دکی توی سالونو کاسر دوبایده پارتلاما اولدوغونو سؤیله‌دی.

رحیمی، یئرلی ساعاتلا 22.40دا رئال‌لاشان پارتلامادا چوخ سایدا اینسانین اؤلدوغونی سؤیله‌دی.

سالدیریدا اینتیحار بومباجی‌سی‌نین، اوزرین‌دکی بومب موسیقیچی‌لرین اولدوغو، اوشاق‌لارین و تویا قاتیلان‌لارین ائیلندیگی صحنه‌یه یاخین بؤلوم‌ده پارتلاتدیغی ایفاده ائدیلدی.

افغانیستان پرزیدنت سؤزچوسو صادق صیدیق‌لرین، اجتماعی مئدیا حسابی توئیترد یایینلادیغی مساژدا، ترور سالدیریسینی قینایارکن، کابیل ده توی سالونوندا تشکیل ائدیلن اینتیحار سالدیریسی هامیمیزی درین‌دن اوزدو. بو، خالقیمیزا قارشی تؤردیلمیش منفور بیر جینایت‌دیر.دئدی.

باشکند کابیل‌ده شیعه هزاره جمعیتی‌نین چوخ یاشادیغی غرب سمتینده تشکیل ائدیلن سالدیری، افغانیستان دا بو ایلین اوّلین‌دن بری حیاتا کئچیریلن ان قان‌لی ترور سالدیریسی اولدو.

ترور سالدیرینی هله هئچ بیر قروپ اوستلنمزکن، ترور تشکیلاتی طالباندا سالدیرینی قینایان آچیقلامالار ائتدی.



ایلگیلی‌لی خبرلر