ضامن اؤلکه‌لر توپلاندی
رومان واسیلنکو، تورکییه، روسیا، ایران، رژیم و مخالیفت هیاتینین بیر آرایا گلدیگی باش اوتورومدا قاپانیش بیلدیریسینی اوخودو
تورکییه، روسیا و ایرانین، ۱۳.جو ضامنلر توپلانتیسین‌دا ادلب گرگین‌لیگی آزالتما بؤلگه‌سین‌ده وطنداش اؤلوملرینی انگلله‌مک و ضامنلرین حربی پرسنلینین گوونلیگینی تامین ائتمک اوچون ملموس تدبیرلر گؤرمک قونوسوندا آنلاشدی.
قازاقیستانین باشکندی نور سلطان‌دا ائدیلن توپلانتینین ایکینجی گونون‌ده طرفلر سون بیلدیری اوزرین‌ده آنلاشماق اوچون ایکیلی و اوچلو گؤروشمه‌لر گرچکلشدیردی.
قازاقیستان خاریجی ایشلر باخانی یاردیمچیسی رومان واسیلنکو، تورکییه، روسیا، ایران، رژیم و مخالیفت هیاتینین بیر آرایا گلدیگی باش اوتورومدا قاپانیش بیلدیریسینی اوخودو.
بیلدیریده طرفلرین سوریه‌نین تورپاق بوتؤولویو، مستقیل‌لیگی و اگمنلیینه باغلیلیقلاری وورغولاناراق، اؤلکه‌ده داعش، نصره جبهه‌سی و بیرلشمیش میللتلر گوونلیک شوراسینین ترور لیستین‌ده‌کی باغلانتی‌لی شخصلرله مباریزه‌یه داوام ائده‌جگی وورغولاندی.
بو باخیم‌دان جولان تپه‌لرینین ایشغالینی اینکار ائد‌ن طرفلر، گوونلیک شوراسینین ۴۹۷ ساییلی قراری باش‌دا اولماقلا ایلگیلی بوتون اولوسلارآراسی قرارلارا حؤرمت ائدیلمه‌سی لازیم اولدوغونو وورغولادی.
بیلدیرده، سوریه‌نین قوزئی دوغوسوندا‌کی وضعیته ده توخونولاراق، بؤلگه‌ده گوونلیک و ثابیتلیگین آنجاق سوریه‌نین اگمن‌لیگی و تورپاق بوتؤولویونه سایغی گؤستررک تامین اولوناجاغینا ایشاره ائدیلدی.
قونشو اؤلکه‌لرین میللی گوونلیگینی هدفه آلان آیریلیقچی گوندملره قارشی اورتاق دوروش سرگیله‌نه‌جگی ایفاده ائدیله‌ن نهایی بیلدیریده، سوریه اختلافینا حربی چؤزوم اولمایاجاغینا دقت چکیلدی. بوندان باشقا، بیرلشمیش مللتلر کنترلوندا‌کی سیاسی گئچیش پروسه‌سینه باغلیلیق وورغوسو ائدیلدی.
بیلدیرده، اولوسلارآراسی جمعیته، اؤزللیکله ده بیرلشمیش مللتلره، سوریه‌یه یاردیملاری آرتیرما چاغریسی ائدیلرک، سونراکی ضامنلر توپلانتیسینین اکتبردا یئنه ده نور سلطان‌دا ائدیله‌جگی اعلان ائدیلدی.
ایلگیلی‌لی خبرلر
ایسرائیل اوردوسو لبنانین گونئیینه هاوا هوجومو ائندیریب
ایسرائیل اوردوسونا مخصوص ساواش اوچاقلاری لبنانین گونئیینده ان آزی 13 دفعه 4 نقطه‌نی ووروب
