ایران بیر گمییه ال قویدو

گمی‌ده‌کی ۶ نفرین گؤزآلتینا آلیندیغی بیلدیریلدی

1245535
ایران بیر گمییه ال قویدو

ایران گوجلری، بصره کؤرفزی یاخینلیغین‌دا ۴۰ مین لیتر قاچاق یاناجاق داشییان گمییه ال قویاراق، گمی‌ده‌کی ۶ نفری گؤزآلتینا آلدی.

خوزستان ایالتی سرحد باشچیسی لطفعلی پاکباز، دؤولت تلویزیونونا وئردیگی آچیقلامادا، اؤلکه‌نین گونئی باتیسینداکی اروند چایین‌دان بصره کؤرفزینه قاچاق یاناجاق آپارماغا چالیشدیغی معین ائدیله‌ن بیر گمییه عملیات ائدیلدیگینی سؤیله‌دی.

عملیات نتیجه‌سین‌ده گمی‌ده ۴۰ مین لیتر قاچاق یاناجاق اله گئچیریلدیگینی بیلدیر‌ن پاکباز، ۶ نفرین ایسه گؤزآلتینا آلیندیغینی بیلدیردی.

ایران مال و ارز قاچاقچیلیغیلا مباریزه قورومو باشقانی علی مویدی، نوامبر ۲۰۱۸ده وئردیگی آچیقلامادا، بیر ایل عرضین‌ده اؤلکه‌ده ۱۲ میلیارد دلارلیق قاچاق مال تیجارتی ائدیلدیگینی بیلدیرمیشدی.

اؤلکه‌ده ان چوخ یاناجاق محصوللارین‌دا قاچاقچیلیق ائدیلیر. قاچاقچیلار، اؤزللیکله دؤولتین سوبسیده ائتدیگی یاناجاق محصوللارینی اؤلکه دیشیندا ساتماغا چالیشیر.



ایلگیلی‌لی خبرلر