ایکی اؤلکه سینیریندا آتیشما
یر هیندیستان عسگری ایله ایکی پاکیستانلی عسگر اؤلدو
هیندیستان و پاکیستان سرحدیندهکی کنترل خطینده چیخان چاتیشمادا بیر هیندیستان عسگری ایله ایکی پاکیستانلی عسگر اؤلدو.
اندیتیوی کانالینین خبرینده، جامو کشمیر ایالتینین سوندربانی بؤلگهسینده چیخان چاتیشمادا هیندیستان عسگرینین، پاکیستانین ائتدیگی توپ آتیشی نتیجهسینده حیاتینی ایتیردیگی قید اولوندو.
هیندیستان اوردوسونون، پاکیستانین ائتدیگی توپ آتیشیناه قارشیلیق وئرمهسی نتیجهسینده ایکی پاکیستانلی عسگرین حیاتینی ایتیردیگی بیلدیریلدی.
فوریه آیینداکی اوچاق بحرانیندان بو یانا ایکی اؤلکه آراسینداکی گرگینلیک یوکسلدی.
هیندیستانین کنترلوندا اولان کشمیرین پولواما شهرینده ۱۴ فوریهده پلیس تشکیلاتینا باغلی میلیس گوجونه ائدیلهن و ۴۴ نفرین اؤلدویو بومبالی سالدیرینین آردیندان پاکیستان ایله هیندیستان آراسیندا گرگینلیک آرتمیش، بونون نتیجهسینده ایکی اؤلکه بیر بیرینین تورپاقلارینا هاوا سالدیریسی ائتمیشدی.