ترامپ ایرانین ادعالارینی یالانلادی
"ایرانین اقتصادی اؤلو و داها دا پیسله‌شیر، ایران تام بیر قاریشیق‌لیق ایچینده"
آمریکا بیرلشمیش دؤولتلری پرزیدنتی دونالد ترامپ، ایرانین آمریکا بیرلشمیش دؤولتلری مرکزی استخبارات تشکیلاتی (سیا) اوچون ایشله‌یه‌ن بعضی جاسوسلاری توتوب بعضیلرینی ده اعدام ائتدیگی یولوندا‌کی ادعانی رد ائتدی.
دونالد ترامپ، تویتر حسابین‌دان وئردیگی آچیقلامادا، ایرانین الین‌ده سیا اوچون جاسوسلوق ائد‌ن بعضی شخصلر اولدوغو ادعاسینین دوغرو اولمادیغینی ادعا ائتدی.
ترامپ،
"ایرانین سیا جاسوسلارینی اله گئچیردیگی خبری تامامیله یانلیش. کسینلیکله گرچک دئییل. چوخ پیس اوغورسوز اولان و نه ائدجگینی بیلمه‌یه‌ن دینی لیدئر طرفین‌دن اورتایا آتیلان یئنی بیر یالان و تبلیغات؛ عینیله دوشورولن اینسان‌سیز هاوا آراجی حادثه کیمی. ایرانین اقتصادی اؤلو و داها دا پیسله‌شیر. ایران تام بیر قاریشیق‌لیق ایچینده". ایفاده‌لرینی ایستیفاده ائتدی.
ایران استخبارات باخانلیغی، اللرین‌ده آمریکا بیرلشمیش دؤولتلری آدینا جاسوسلوق ائد‌ن ۱۷ محبوس اولدوغونو، بونلاردان بعضیلرینین ده اعدام جزاسینا محکوم ائدیلدیگینی بیلدیرمیشدی.
باخانلیق، ۱۷ ژوئنده گؤزآلتینا آلینان بو جاسوسلوق شبکه‌سی عضولرین‌دن بعضیلری محکمه طرفین‌دن "فساد چیخارماق" سوچلاماسی ایله اعدام جزاسینا محکوم ائدیلدیگینی بیلدیرمیشدی.
