ایرانین بیر گمی داها ساخلادیغی ادعا ائدیلیر

مسدار آدلی نفت تانکرینین یولونو آنیدن ایران ساحللرینه چئویردیگی گؤرولور

1239205
ایرانین بیر گمی داها ساخلادیغی ادعا ائدیلیر

ایرانین هرمز بوغازین‌دا اینگیلتره‌یه عاید ایکینجی بیر نفت تانکرینه داها مداخیله ائتدیگی تخمین ائدیلیر.

قلوبال دنیز یولونو ایزله‌یه‌ن مارینه ترافیک، سعودی عربیستانین راس تنوره لیمانینا دوغرو گئتمک‌ده اولان لیبریا بایراقلی مسدار آدلی نفت تانکرینین یولونو آنیدن ایران ساحللرینه چئویردیگینی گؤستریر.

اینگیلتره‌نین نوربولک شاپینگ شیرکتینه عابد نفت تانکرینین وضعیتی حاقین‌دا هله کی رسمی آچیقلاما وئریلمه‌دی.

ایران اینقیلاب کئشیک‌چیلری اوردوسو، آخشام ساعاتلارین‌دا بؤیوک بریتانیا بایراق‌لی ستنا ایمپرو آدلی نفت تانکرینه هرمز بوغازین‌دا مداخیله ائتمیشدی.

ایران، سؤزوگئدن تانکرین اولوسلارآراسی دنیزچی‌لیک قوراللارینا رعایت ائتمدیگی و بو سببله ده ساخلانیلدیغینی بیلدیرمیشدی.

ایران، هرمز بوغازین‌دا اینگیلتره‌یه عاید بیر نفت تانکرینی داها ساخلادیغی یولوندا‌کی ادعالاری یالانلادی.

ایران دؤولت تلویزیونونون بصره کؤرفزین‌ده‌کی حربی قایناقلارا دایاندیردیغی خبرین‌ده، تهران رهبرلیگینین ایکینجی بیر اینگیلیس تانکرینه مداخیله ائتمه‌دیگی قید اولوندو.

دونن هرمز بوغازین‌دا یالنیز ستنا ایمپئرو آدلی نفت تانکرینین ساخلانیلدیغی، لیبریا بایراقلی مسدار آدلی نفت تانکرینه ایسه مداخیله ائدیلمه‌دیگی قید اولوندو.

خبرده آیریجا مسدار آدلی نفت تانکرینین بصره کؤرفزین‌ده عادی وظیفه‌سینی داوام ائتدیره‌ن سلاح‌لی گوجلر طرفین‌دن کنترل ائدیلدیگی و چئوره ایله باغلی قرارلار قونوسوندا بیلگیلندیریلدیکدن سونرا تانکرین یولونا داوام ائتدیگی ایفاده ائدیلدی.

اینگیلتره خاریجی ایشلر باخانی جر‌می هانت، ایرانین هرمز بوغازین‌دا ۲ اینگیلیس تانکرینی ساخلاماسینین قبول ائدیلمز اولدوغونو بیلدیره‌رک، ترافیک سربستلیگینین قورونماسینین لازیم اولدوغونو ایفاده ائتدی.

هانت، یازی‌لی آچیقلاماسین‌دا، "هرمز بوغازین‌دا ایران‌لی یئتکیلیلرین ۲ گمینی ساخلاماسین‌دان چوخ قایغیلییام" دگرلندیرمه‌سینی وئرمیشدی.


اتیکتلر: #تانکر , #هرمز , #ایران

ایلگیلی‌لی خبرلر