سعودی عربیستان شیرکتی بوئینگ یئرینه ایرباسا یؤنلدی

سعودی عربیستان هاوا یولو شیرکتی فلیادل، کئچن ایل بوئینگ ایله " B737 Max " تیپی یولجو اوچاق‌لارینی ساتین آلماق اوچون اؤن راضیلیغا گلمه‌سینه باخمایا‌راق ایرباس‌دان عینی صینیف‌دکی " A320 Neo " تیپی یولجو اوچاق‌لارینی گؤتورجگینی ائشیتدیردی.

شیرکت‌دن بیلدیریب‌لر کی، ایرباس ایله 30 عدد A320 Neo تیپی یولجو اوچاغی ساتین آلماق اوچون راضیلیغا گلدیگی بیلدیریلدی.

آچیقلامادا، علاوه 20 اوچاق ساتین آلماق سئچیمی ایچه‌رن آنلاشما ایله هاوا یولونون بوتون دونانماسی‌نین ایرباس اوره‌تیمی اوچاق‌لاردان عبارت اولاجاغی قئید اولونوب.

فلیادال‌ین ایرباس ایله آنلاشما‌سی، آمریکا‌لی اوچاق اوره‌تیچیسی بوئینگ ایله داها اوّل عینی صینیف‌دکی B737 Max تیپ‌لی یولجو اوچاق‌لاری اوچون ائتدیگی اؤن سیفاریش آنلاشما‌سین‌دان ایمتیناع ائتدیگی آچیقلامالارینا یول آچدی.

آچیقلامادا، بوئینگ ایله کئچیریلن قارشی آنلاشما‌دن سؤز ائت، B737 Max لارین آلترناتیوی اولان دار گؤوده‌لی A320 Neo لارین ساتین آلینماسی، آنلاشما‌نین اورتادان قالدیردیغینین ایشاره‌سی کیمی قیمتلندیریلیب.

سعودی عربیستان هاوا یول‌لاری‌نین آلت قورومو اولان آشاغی بودجه‌لی هاوا یولو شیرکتی، دسامبر 2018ده بوئینگ‌دن 5.9 میلیارد دو‌لار قیمتله 30 عدد 737 Max تیپی اوچاق ساتین آلماق کیمی اؤن راضیلیغا گلمیشدی.

آویاسیا صنایعسی متخصص‌لری، آنلاشما‌نین، B737 Max لارین اوچوش نظارت تأمیناتین‌داکی خطانین سون بیر ایلده باش وئرن ایکی اؤلومجول قزایا یول آچماسی‌نین آردین‌دان سکتوردا یئنی‌دن اعتیماد تاسیس ائتمکده چتین‌لیک چکن بوئینگ یئنی بیر ضربه ووردوغو یورومو آپاریر.