محمود عباس: "امریکانین پلانی قبول ائدیلمزدیر"

فیلیسطین دؤولتی باشچی‌سی محمود عباس سیاسی حل یولو ایلکین پلاندا اولدوغونا گؤره بحرین چالیشتاینی بویکوت ائتدیک‌لرینی سؤیله‌ییب.

1226750
محمود عباس: "امریکانین پلانی قبول ائدیلمزدیر"

فیلیسطین دؤولتی باشچی‌سی محمود عباس سیاسی حل یولو ایلکین پلاندا اولدوغونا گؤره بحرین چالیشتاینی بویکوت ائتدیک‌لرینی سؤیله‌ییب.

شیلی پرزیدنتی سباستیان پینرا ایله رام الله-داکی اوفیسده بیر آرایا گلن محمود عباس گؤروش‌دن سونرا کئچیریلن مطبوعات کنفرانسیندا امریکانین اورتا دوغو مسئله‌سینه حل یولو ادعاسی ایله تقدیم ائتدیگی "عصرین موقاویله‌سی" پلانین قبول ائدیلمز اولدوغونا دایر دوشونجه‌سینی بیر داها دیله گتیردی.

عباس "عصرین موقاویله‌سی" پلانی چرچیوه‌سینده ایلک تدبیر کیمی قیمتلندیریلن و دونن باشا چاتان بحرین چالیشتایی  باره‌ده دئییب کی، سیاسی حل یولونون ایقتیصادی حل یولون‌دان داها اوستون اولدوغونا ایناندیغیمیز اوچون بو پروقرامدا ایشتیراک ائتمیی قبول ائتمه‌دیک. میللی حاق‌لار، آلینیب-ساتیلان املاک دئییل‌دیر.

عباس رسمی واشینگتن-ون قبول ائتدیگی قرارلارین امریکانین باریش پروسه سینه بیر باشینا نظارت ائتمک مسئله سینده صلاحیتی اولمادیغینی تصدیق ائتدیگینی بیلدیریب.

گؤروشده فیلیسطین-ده سون وضعیت، ایشغال قوه‌لری‌نین سبب اولدوغو پروبلئم‌لر، تورپاق‌لارین ایشغا‌لی، وئرگی‌لر و مقدس مکان‌لارا ایستیقامت‌لی هوجوم‌لارلا علاقه‌دار شیلی-‌لی همکاری سباستین پینرایا معلومات وئرن عباس دئییب کی، ایشغال قوه‌لری دؤولتیمیزین پایتاختی دوغو قودسون خصوصیتینی و کاراکترینی پوزور. دوغو قودسون اینانان‌لار و بوتون سماوی دین منسوب‌لاری‌نین عبادتی و زیارتی اوچون آچیق بیر شهر اولماسینی ایستییریک.

شیلی پرزیدنتی پینرا دا اؤلکه‌سی‌نین اگمن، تهلوکه‌سیز سرحدلر داخیلینده و آزاد بیر فیلیسطین دؤولتی‌نین قورولماسینی دستکله‌دیگینی ایفاده ائده‌رک، "ایسرایل و فیلیسطین خالق‌لاری‌نین دا ایسته‌دیگی بودور. تک حاکمیت، ایکی دؤولت‌لی حل چرچیوه‌سینده احاته ائدن و عدالت‌لی باریشین تامین ائدیلمه‌سی‌دیر" دئییب.

پینرا سراغا گون ایشغال آلتینداکی قودس-ده یئرلشن القصی مسجیدینی زیارت ائتمیشدی.



ایلگیلی‌لی خبرلر