ظریف: "امریکا ایرانی محو ائده‌جک پتانسیل ده دئییل"

ایران خاریجی ایشلر ناظیری محمد جاواد ظریف پایتاخت تهران-دا سی ان ان موخبیری‌نین سوالینا جاواب وئررکن امریکا پرزیدنتی دونالد ترامپین: "ایرانی محو ائدریک" تهدیدینی دیرلندیردی.

1226055
ظریف: "امریکا ایرانی محو ائده‌جک پتانسیل ده دئییل"

 

ایران-ین خاریجی ایشلر ناظیری محمد جاواد ظریف امریکا پرزیدنتی دونالد ترامپین تهدیدینه قارشی " امریکانین ایرانی محو ائتمه پتانسیلی یوخدور" دئدی.

ایران خاریجی ایشلر ناظیری محمد جاواد ظریف پایتاخت تهران-دا سی ان ان موخبیری‌نین سوالینا جاواب وئررکن امریکا پرزیدنتی دونالد ترامپین: "ایرانی محو ائدریک" تهدیدینی دیرلندیردی.

جاواد ظریف ترامپین ایران حاقیندا "قطعین یانیلدیغینی" بیل‌دیره‌رک: "امریکا ایرانی محو ائده‌جک وضعیتده دئییل. قاداغان اولونموش سلاح‌لاردان (کوتلوی قیرغین سلاح‌لاری) ایستیفاده ائتمه‌دن بونو ائده‌جک گوج‌لری یوخ‌دور" دئدی.

ایرانین هر هانسی بیر هوجوما حاضرلیق‌لی اولدوغونو قئید ائدن ظریف: "بونا قارشی بیز محاربه، و یا قارشیدورما ایستمیریک. پرزیدنت ترامپ 18-جی عصرده یاشامادیغیمیزی و بیرلشمیش میللت‌لر تشکیلاتی موقاویله‌سینه اساساً محاربه تهدیدلری‌نین غیری-قانونی اولدوغونو خاطیرلاما‌لی‌دیر" ایفاده‌لرینی ایشلتدی.

امریکانین سون هفته‌لردکی داورانیش‌لارینی "پروووکاتیو" اولا‌راق سجیه‌لندیرن ظریف خصوصیله، ایران لیدری آیت الله علی خامنه ای یه قارشی تحریم  قرارینی بوتون ایران خالقینا قارشی تحقیر کیمی قبول ائتدیک‌لرینی وورغولادی.

ایران خاریجی ایشلر ناظیری تهرانین نوکلئر موقاویله‌سینه عایید تعهد لرینی مرحله‌لی اولا‌راق دایان‌دیرماق قراری ایله باغلی: "ایران نوکلئر موقاویله‌سی و بیرلشمیش میللت‌لر تشکیلاتی‌نین تهلوکه‌سیزلیک شوراسی‌نین 2231 نؤمره‌لی قراریندا ضمانت آلتینا آلینمیش حقوق لاریندان ایستیفاده ائدیر" دئدی.



ایلگیلی‌لی خبرلر