خامنهای سونراسی لیدئر کیم اولاجاق؟
"احتیاج اولماسی حالیندا بو شخصلر، اؤلکه لیدئرینی تعیین ائتمه وظیفهسی اولان خبرهلر مجلیسی طرفیندن دگرلندیریلهجک"
ایران اوزمانلار مجلیسی عضوو آیتالله محسن اراکی، علی خامنهای سونراسی اؤلکه لیدئری اولاجاق شخصین آدینین یئر آلدیغی لیستهنین حاضر اولدوغونو ایفاده ائتدی.
فارس خبر آژانسینا دانیشان اراکی، خبرهلر مجلیسینده ۳ نفردن عبارت اولان اؤزل بیر کمیسیونون اؤلکه لیدئری اولما صلاحیتینه صاحب آدلاری بیر آرایا گتیردیگینی دیله گتیردی.
اراکی، "آراشدیرما کمیسیونو اولاراق تعریف ائدیلهن سؤز قونوسو اؤزل کمیسیونون وظیفهسی، اؤلکه لیدئری اولما خصوصیتینی داشییان شخصلرین آدلارینی بیر آرایا گتیرمکدیر. خبرهلر مجلیسی عضولری بو کمیسیونا آد تکلیف ائدهبیلر" دئدی.
لیستهده یئر آلان آدلارین چوخ گیزلی توتولدوغونو دیله گتیرهن اراکی، احتیاج اولماسی حالیندا بو آدلارین، اؤلکه لیدئرینی تعیین ائتمه وظیفهسی اولان خبرهلر مجلیسی طرفیندن دگرلندیریلهجگینی ایفاده ائتدی.
تعیین اولونان شخصلرین خبرهلر مجلیسیندن اولما شرطینین اولمادیغینا دا توخونان اراکی، اؤزل کمیسیونون ۳ عضوو حاقیندا معلومات وئرمهدی. اؤلکه لیدئرینی سئچمه و کنترل ائتمه وظیفهسینه صاحب خبرهلر مجلیسینین ۸۸ عضوو وار.
ایلگیلیلی خبرلر
ایسرائیل اوردوسو لبنانین گونئیینه هاوا هوجومو ائندیریب
ایسرائیل اوردوسونا مخصوص ساواش اوچاقلاری لبنانین گونئیینده ان آزی 13 دفعه 4 نقطهنی ووروب