محمد علی نجفینین حیات یولداشی اؤلدورولدو
ایران جمهور باشقانی حسن روحانی نین دانیشمان لاریندان پایتاخت تهران-ین سابیق بلدیه صدری محمد علی نجفی نین خانیمی اؤلدورولوب.

ایران جمهور باشقانی حسن روحانی نین دانیشمان لاریندان پایتاخت تهران-ین سابیق بلدیه صدری محمد علی نجفی نین خانیمی اؤلدورولوب.
ایران دؤولت تلویزیونونون پولیس باش ایدارهسینه ایستیناد ائتدیگی خبرینه گؤره نجفینین حیات یولداشی میترا نجفی تهرانین شیمالیندا یئرلشن سعادت آباد سمتیندکی ائوینده وورولاراق اؤلدورولوب.
جینایت ایله باغلی اطرافلی معلومات وئریلمهییب.
انصاف نیوز خبر سایتینین موهابیرلریندن پریسا صالحی سوسیال مدیا حسابیندان جینایتله باغلی یایدیغی آچیقلامادا: "نجفینین حیات یولداشی میترا نجفی دونن انصاف نیوزا تلفون ائدیب موصاحیبه اوچون واخت وئردی. اونون بو گون اوفیسه گلمهسی پلانلاشدیریلدی. آنجاق عینی گون اؤلدورولدو.
ایران-دا سابیق جمهور باشقانی علی اکبر هاشمی رفسنجانی دؤورونده تحصیل ناظیرلیگی وظیفهسینده اولان محمد علی نجفی، روحانی اقتداریندا اونون یاردیمجیسی اولاراق تعیین ائدیلدی. او 2017-ده ایسه تهران بلدیه صدری سئچیلدی. آنجاق اؤتن ایل اوشاقلارین رقص ائتدیگی بیر تدبیره قاتیلدیغی اوچون سیخ تنقیدلره معروض قالدی و بو سببدن ساغلیق پروبلئمی لرینی ایرلی سوره ره ک بلدیه صدری وظیفهسیندن ایستعفا ائتدی.
رفرمیست کیمی تانینان محمد علی نجفی جمهور باشقانی روحانی نین ان یاخین اکیب ینده یئر آلیر.
ایلگیلیلی خبرلر

ایهود باراک ترامپین غزه ایله باغلی پلانینی "خیال محصولو" آدلاندیریب
ایسراییلین کئچمیش باش ناظیری دونالد ترامپین غزه ایله باغلی پلانینی "خیال محصولو" آدلاندیریب.