ظریف:"امریکانین قوشون گؤندرمه قراری‌ بولگه اوچون تهلوکه‌لی‌دیر"

ایران خاریجی ایشلر ناظیری محمد جاواد ظریف امریکانین قوشون گؤندرمه قراری‌نین بولگه اوچون تهلوکه‌لی اولدوغونو سؤیله‌دی.

1208150
ظریف:"امریکانین قوشون گؤندرمه قراری‌ بولگه اوچون تهلوکه‌لی‌دیر"

ایران خاریجی ایشلر ناظیری محمد جاواد ظریف امریکانین قوشون گؤندرمه قراری‌نین بولگه اوچون تهلوکه‌لی اولدوغونو سؤیله‌دی.

ایران خاریجی ایشلر ناظیری محمد جاواد ظریف پاکیستان-دا رسمی گؤروش‌لرین‌دن سونرا ایسلام آباد-دان تهرانا یولا دوشمزده اول ایرانین رسمی خبر آژانسی ایرنا-یا موصاحیبه وئردی.

ایران خاریجی ایشلر ناظیری موصاحیبه‌سینده: "امریکانین بؤلگه‌میزده حربی قوه‌لرینی آرتیرماسی سون درجه تهلوکه‌لی‌دیر. اولوسلار آراسی باریش و تهلوکه‌سیزلیگی تهدید ائدن بو وضعیته قارشی چیخیلما‌لی‌دیر" دئدی.

قئید ائدک کی، اؤتن گون امریکا پرزیدنتی دونالد ترامپ اورتا دوغو-یا 1500 نفرلیک علاوه حربی قوه گؤندرمه‌سی باره‌ده امر وئردیگینی آچیقلاییب.

ترامپین بیاناتیندان قیسا مودت اول امریکا مطبوعاتی ترامپین علاوه حربی قوه باره‌سینده قرار قبول ائتدیگی و کنگره-نی قرارلا باغلی معلوماتلاندیردیغی ایله علاقه‌دار خبرلر یایمیشدی.

واشینگتن رهبرلیگی امریکا ایکی هفته اول ایران‌دان گله بیله‌جک تهدیدلره قارشی تدبیر مقصدیله " یواس‌اس آبراهام لینکلن" طیاره گمی‌سی‌نین هوجوم قروپو ایله نوکلئر باشلیقلی 4 عدد ب-52 بومباردمان طیاره‌سیندن عبارت بومباردمان وظیفه قوه‌سینی بصره کؤرفزینه گؤندرمیشدی.

امریکا پرزیدنتی بازار گونو  تویترده بؤلوشدوگو مئساژیندا: "ایران محاربه ایستیرسه، بو، رسمی اولا‌راق ایرانین سونو اولا‌جاق. هئچ واخت امریکانی تهدید ائتمه" ایفاده‌لرینی ایشلتمیشدی.



ایلگیلی‌لی خبرلر