فیلیسطینلیلر مسجد اقصی-یا آخین ائتدی
فیلیسطین-لیلر ایسرایلین یاراتدیغی بوتون چتینلیکلره و مانع لره باخمایاراق رمضان آیینین اوچونجو جومه نامازیندا دا مسجد اقصی-یا آخیشدی.
فیلیسطین-لیلر ایسرایلین یاراتدیغی بوتون چتینلیکلره و مانع لره باخمایاراق رمضان آیینین اوچونجو جومه نامازیندا دا مسجد اقصی-یا آخیشدی.
اون مینلرله فیلیسطین-لی سحر تزدن ایشغال آلتینداکی ایوردان چایینین غرب ساحلی ایله قودس آراسینداکی نظارت منطقهلرینی کئچهرک حرم الشریف ایستیقامتینده ایرهلیلهییبلر.
ایشغال آلتیندااکی دوغو قودسون قدیم شهر بؤلگهسینه چیخان یوللارا حرکته باغلایان ایسرایل پولیسلری آوتوبوسلاردان باشقا ماشینلارین کئچمهسینه ایجازه وئرمهییب.
ساعتلارلا چکن یولدان سونرا قدیم شهرین کوچهلریندن مسجد اقصی-یا چاتان فیلیسطینلیلر رمضان آیینین اوچونجو جومه نامازیندا دا مسجیدین حیاطینی آغزینا قدر دولدوردو.
قودس ایسلامی وقفلر ایدارهسینین معلوماتینا گؤره، 100 میندن آرتیق فیلیسطینلی مسجد اقصی-دا جومه نامازی قیلیب.
مسجد اقصی-نین امام و خطیبی شیخ یوسیف ابو سونینه بو هفتکی جومه خطبه سینده عرب-ایسلام دونیاسیندا یاشانان محاربهلرین فیلسطین مسئلهسینی اونوتدوردوغو و ایشغالین کؤک سالماسینا ایمکان یاراتدیغینی ایفاده ائدیب.
ایشغال آلتینداکی اردن چایینین غرب ساحلی ایله دوغو قودس-ده یاشایانلار ایله ایسرایل وطنداشی فیلیسطینلیلرین مسجد اقصی-یا گلمهلرینین اهمیتینی وورغولایان شیخ ابو سونینه ظلمون باشا چاتاجاغینی و عدالتین تاسیس ائدیله جگینی دیله گتیریب.
شیخ ابو سونینه آیریجا قودس و مسجد اقصی-یا ایستیقامتلی پوزونتولارا دقت چکهرک، بو تورپاقلارین گئرچک صاحیبی اولان فیلیسطینلیلرین بورادا قالاجاغینی وورغولاییب.
دوغو قودس و اردن چایینین غرب ساحلی 1967-جی ایلدن بریدیر ایسرایلین ایشغالی آلتیندادیر.