کویت امریکا ایله ایران آراسیندا موذاکیره‌لرین باشلادیغینی ادعا ائتدی

کویت خاریجی ایشلر ناظیری‌نین معاوینی خالد الجارالله بولگه ده آرتان گرگین‌لییه سون قویولماسی اوچون امریکا ایله ایران آراسیندا موذاکیره‌لرین باشلادیغینی بیلدیردی.

1207856
کویت امریکا ایله ایران آراسیندا موذاکیره‌لرین باشلادیغینی ادعا ائتدی

کویت خاریجی ایشلر ناظیری‌نین معاوینی خالد الجارالله بولگه ده آرتان گرگین‌لییه سون قویولماسی اوچون امریکا ایله ایران آراسیندا موذاکیره‌لرین باشلادیغینی بیلدیردی.

الجارالله ژورنالیست‌لره وئردیگی آچیقلامادا: "طرف‌لر آراسیندا (واشینگتن ایله تهران) موذاکیره‌لر باشلادی. علاقه ساخلانیلیر و حرکت‌لی‌لیک وار" ایفاده‌لرینی ایشلتدی.

بو چرچیوه‌ده حادثه‌لرین اینکیشافی‌نین سون وضعیتی اولا‌راق عمان سلطان‌لیغی‌نین خاریجی ایشلر ناظیری یوسف بن علوی‌نین ایران-دا بیر سیرا گؤروش‌لر کئچیردیگینه ایشاره ائدن خالد الجارالله بولگه ده ساغلام دوشونجه و حیکمتین غالیب گلجه جگینه ایناندیق‌لارینی ایفاده ائتدی.

بولگه ده قارشیدورما‌لارین باشا چاتاجاغینی، ثابیتلیگین حاکم اولاجاغینی سؤیله‌ین کویت رسمی‌سی بو موضوع ایله باغلی نیکبین‌لیگی‌نین سببی کیمی ایران و امریکا طرف‌لری‌نین محاربه‌یه میل‌لی اولمادیق‌لارینی گؤسترن آچیقلاما‌لارینی گؤستردی.

خالد الجارالله : "بولگه نین تهلوکه‌سیزلیگینی تهدید ائدن حادثه‌لرین نظارت آلتینا آلینماسی اوچون نیکبین بیر منظره و اومید وار" دئدی.



ایلگیلی‌لی خبرلر