ایران غنیلشدیریلمیش اورانیوم حجمینی دؤرد دفعه آرتیریب
ایران آتوم انرژیسی بوروسونون سؤزجوسو بهروز کمالوندی دونندن اعتباراً نطنز نوکلئر مرکزینده 3.67% اورانیوم غنیلشدیریلمهسینی دؤرد دفعه آرتیردیغینی بیلدیریب
ایران غنیلشدیریلمیش اورانیوم حجمینی دؤرد دفعه آرتیریب.
ایران آتوم انرژیسی بوروسونون سؤزجوسو بهروز کمالوندی دونندن اعتباراً نطنز نوکلئر مرکزینده 3.67% اورانیوم غنیلشدیریلمهسینی دؤرد دفعه آرتیردیغینی بیلدیریب.
بو سببدن بیر نئچه هفته ایچینده کمالوندی، ایرانین بو سویهدکی اورانیوم سویهسینین 300 کیلوقرامی کئچهجگینی آچیقلادی.
2015-جی ایلده ایمضالانمیش ایران نوکلئر کونونسیونونا اساساً، تهران حکومتی الینده 300 کیلو قراک اورانیوم ییغدیقدان سونرا اونو یورد دیشینا چیخارماق مجبوریتیندهدیر.
ایران اورانیوم غنیلشدیرمه سویهسینی یوزده 3.67 سویهسینده ساخلاماغا راضی اولدو. بو میقدار، نوکلئر سیلاحینین اورهتیمی اوچون طلب اولونان 90% غنیلشدیرمه درجهسیندن آشاغی ایدی.
ایران نطنز و فوردوداکی نوکلئر تاسیسلرینده اورانیوم غنیلشدیرمک قابیلیتینه مالیکدیر. 2015-جی ایلده نوکلئر راضیلاشماسینا قدر، فوردونون 15 ایل عرضینده اورانیوم غنیلشدیرمه فعالیتلرینه ایجازه وئریلمدیگی تقدیرده، نطز کارخانالاریندا 10 ایل مدتینه اورانیوم غنیلشدیرمه فعالیتلری اوچون تخمینن 5 مین سانتریفوژ لازیم ایدی. 2015-ه قدر بو رقم تخمینن 20 مین ایدی. عملیاتدان کئچیریلمیش سانتریفوژلر ایرانین ان اسکی و ان ثمرهلی تاسیسلریندن بیری ایدی.
2015-جی ایلده نوکلئر راضیلاشماسیندان سونرا، ایران بیرطرفلی اولاراق اورانیوم رزرولرینی 15 ایل مدتینه یوزده 98 اورانیندا دوشورهرک، 300 کیلوقراما قدر آزالتمیشدی. موقاویلهنین اوّلینده، ایرانین 10 آتوم بومباسی اورهتیمی اوچون کیفایت قدر اورانیوم وار ایدی. لاکین 300 کیلوقرام اورانیوم نوکلئر بومبالارینی اورهتمک اوچون کیفایت ائتمیردی.