قازاخیستان-دا سوریه-دن تخلیه ائدیلن 20 شخص حبس اولوندو

سوریه-دن کئچن هفته تخلیه ائدیلن قازاق وطنداشلاریندان4-و قادین اولماقلا، 20 نفرین داعش ایله علاقه‌ده اولما‌لاری شوبهه‌سی ایله حبس اولوندوغونو بیلدیردی.

قازاخیستان-دا سوریه-دن تخلیه ائدیلن 20 شخص حبس اولوندو

قازاخیستان میللی تهلوکه‌سیزلیک کومیته‌سی‌نین رسمی‌سی باحتی بیگ رحیم بیگدیف کئچیردیگی مطبوعات کنفرانسیندا 7-9 می تاریخ‌لرینده سوریه-دن تخلیه ائدیلن 231 نفردن 4-و قادین اولماقلا، 20 نفرین داعش ایله علاقه‌ده اولما‌لاری شوبهه‌سی ایله حبس اولوندوغونو بیلدیردی.

حبس اولونان‌لارین نور سلطان، آتیراو، آکتؤبه، اورالسک، کاراقاندا و چیمکنت شهرلرین‌دکی جزایی شوروشدورما مرکزلرینه ترانسفر ائدیلدیگینی قئید ائدن رحیم بیگدیف سؤزوگئدن شخص‌لرین کؤنول‌لو اولا‌راق اؤلکه‌یه قاییتماق قرارینا گلدیک‌لرینی و بعضی‌لری‌نین جینایت مسئولیتینی اوزرلرینه گؤتورمه‌یه حاضر اولدوق‌لارینی دیله گتیردی.

رحیم بیگدیف تخلیه ائدیلن 55 قادین و 156 اوشاغین دا آکتاو شهریندکی خصوصی آداپتاسیا مرکزینه بیر آیلیق مودتله یئرلشدیریلدیگینی، ساغلیق نظارتیندن کئچیریلدیگینی، عینی زاماندا، پسیخولوق و ایلاهیاتچی‌لارین بو آدام‌لارین رئابیلیتاسیاسی اوچون چالیشدیق‌لارینی سؤیله‌دی.

قادین‌لارین ترور تشکیلات‌لارینا قوشولوب-قوشولمادیق‌لاری‌نین یوخلانیلدیغینا ایشاره ائدن رحیم بیگدیف هر هانسی بیر شوبهه‌نین اولمادیغی حالدا قادین‌لارین اوشاق‌لاری ایله بیرلیکده وطن‌لرینه گؤندریله‌جک‌لرینی دئدی.

قوروجو پرزیدنت نورسلطان نظربایئوین امری ایله ژانویه آییندا کئچیریلن "ژوسان" عملیاتی‌نین داوامی اولان "ژوسان 2" عملیاتی 7-9 می تاریخ‌لرینده کئچیریلمیش، سوریه-دن 156-سی اوشاق اولماقلا، 231 قازاخیستان وطنداشی تخلیه ائدیلمیشدی.

ژانویه آیین‌داکی عملیاتدا دا 30-و اوشاق اولماقلا، 47 قازاخ سوریه-دن اؤلکه‌لرینه گتیریلمیشدی.



ایلگیلی‌لی خبرلر