حسن روحانی، ایرانا اولان باسقیلار"اینقیلاب تاریخینده بنزری گؤرولممیش تام بیر ساواش"

باشکند تهراندا سیاسی آکتیویست‌لرله بیر آرایا گلن روحانی، آمریکانین اؤلکه‌سینه قارشی تحریملری قیمتلن‌دیریردی

حسن روحانی، ایرانا اولان باسقیلار"اینقیلاب تاریخینده بنزری گؤرولممیش تام بیر ساواش"

ایران پرزیدنتی حسن روحانی، دوشمن‌لری‌نین اؤلکه‌سینه قارشی سیاسی و ایقتیصادی باسقیلارینی "اینقیلاب تاریخینده بنزری گؤرولممیش تام بیر ساواش" کیمی آدلاندیردی.

باشکند تهراندا سیاسی آکتیویست‌لرله بیر آرایا گلن روحانی، آمریکانین اؤلکه‌سینه قارشی تحریملری قیمتلن‌دیریردی.

بو گون قارشی-قارشییا قالدیق‌لاری شرط‌لرین 1980-1988-جی ایللر ایران-عراق ساواشین‌دان داها یاخشی و یا داها پیس اولمادیغینی بیل‌دیرن روحانی، "ساواش زامانیندا ایدخال، ایخراج، نفت ساتیشی و بانکچی‌لیق ساحه‌لرینده پروبلمیمیز یوخ ایدی. تحریملر تکجه سیلاح آلیمی باغلی ایدی." دئدی.

روحانی، آمریکانین ایرانا قارشی تحریملری‌نین چوخ تأثیرلی اولدوغونو دیله گتیره‌رک، بئله پروسه‌لرده بوتون اورقان‌لارین بیرلیک ایچینده حرکت ائتمه‌سینی ایسته‌دی. روحانی، "دوشمن‌لرین ایرانا قارشی سیاسی و ایقتیصادی باسقی‌لاری، اینقیلاب تاریخینده بنزری گؤرولممیش تام بیر ساواش‌دیر. دوشمه‌نین بانکچی‌لیق ساحه‌سینده گتیردیگی محدودیت‌لر نفت، پتروشیمی، پولاد و اکینچیلیک محصول‌لاری‌نین ساتیشی اوزرینده ده تأثیرلی اولور." قیمتلندیرمه‌سینده اولوب.

روحانی، خالقین ایقتیصادی پروبلم‌لری اولدوغونو، آنجاق پروبلمین یالنیز ایقتیصادی اولمادیغینی و مسئله‌نین بوتون یؤنلری اله آلینماسی لازیم اولدوغونو وورغولایا‌راق، اؤلکه‌دکی پروبلم‌لرین آشیلماسی اوچون توپلانتییا قاتیلان سیاسی آکتیویست‌لردن دستک ایسته‌دی.

آمریکا رهبرلیگی، می 2018ده نوکلئر آنلاشما‌دان بیرطرف‌لی چکیله‌رک ایرانا قارشی تحریملری یئنی‌دن تطبیق ائتمیشدی.



ایلگیلی‌لی خبرلر