ارمنی باخانین پایلاشیمی قالماقال یاراتدی

مناتساکانیان، ائتدیگی یانلیشی فرق ائد‌ن‌دن سونرا فوتوگرافلاری و پایلاشیمی قالدیردی

ارمنی باخانین پایلاشیمی قالماقال یاراتدی

ارمنیستان دیش ایشلری باخانی زهراب مناتساکانیان، ایکینجی دونیا ساواشی سیراسیندا سووئت اوردوسون‌دا یئر آلان ارمنی عسگرلرینی آنماق مقصدی ایله پایلاشدیغی فوتوگرافین نازیلرله امکداش‌لیق ائدن ارمنی میلیسلره عاید اولدوغو اورتایا چیخدی.

مناتساکانیان، سوسیال پایلاشیم سایتی تویتر حسابین‌دان سووئت اتفاقینین نازی آلمانیاسینا قارشی ظفر قازاندیغی ۹ می غلبه گونو موناسیبتی ایله یاپلاشیمیندا، "سووئت اوردوسونون غلبه‌سینه بؤیوک قاتقی وئره‌ن وطنداشلاریمی سایغی ایله آنیرام. اونلار، ۶ ارمنی تۆمنین‌ده‌کی ۵۰۰ مین عسگر، ۶۰دان آرتیق ژنرال و ۴ مارشال ایله سووئت اوردوسونا خیدمت ائتدیلر. ۳۰۰ مین ایتکی وئررکن، ۱۰۶ سووئت اتفاقی قهر‌مان‌لیق مدالی قازاندیلار" ایفاده‌لرینی ایشلتدی.

آنجاق، مناتساکانیانین پایلاشیما علاوه ائتدیگی فوتوگرافلارین بیرینین، سووئت اوردوسو ایله ووروشان آلمان داغ بیرلیکلرینه قوشولان ارمنی میلیسلره عاید اولدوغو اورتایا چیخدی. فوتوگرافین اؤن پلانین‌دا بیر قروپ آلمان سوبایی یئر آلارکن، آرخادا ارمنیی میلیسلرین گله‌نکسل خالق رقصلرینی ائتدیگی گؤرونور.

مناتساکانیان، ائتدیگی یانلیشی فرق ائد‌ن‌دن سونرا فوتوگرافلاری و پایلاشیمی قالدیراراق، یئرینه غلبه گونونو و سووئت اوردوسون‌داکی ارمنی عسگرلرینی آنان باشقا فوتوگرافلارلا باشقا پایلاشینلار ائتدی.



ایلگیلی‌لی خبرلر