روحانی: آمریکا، ایرانین نفت ایخراجینا داوام ائتدیگینی گؤرهجک
ایران پرزیدنتی حسن روحانی، آمریکانین تحریملرینه باخمایاراق، نفت ایخراج ائتمهیه داوام ائدهجکلرینی سؤیلهدی
روحانی: آمریکا، ایرانین نفت ایخراجینا داوام ائتدیگینی گؤرهجک
ایران پرزیدنتی حسن روحانی، آمریکانین تحریملرینه باخمایاراق، نفت ایخراج ائتمهیه داوام ائدهجکلرینی سؤیلهدی.
باشکند تهراندا ایشچیلر هفتهسی دولاییسی ایله دوزنلنن مراسیمدکی چیخیشی دولت تلویزیونوندان جانلی یایینلانان پرزیدنتی روحانی، آمریکانین ایران ایقتیصادینی هدف آلان تحریملرینه توخونوب.
تحریملرین بیرباشا خالقی تأثیر گؤستردیگینی وورغولایان روحانی،
اؤزللیکله ایشچیلر، اورتا و آلت گلیر قروپو اولماقلا بیرباشا خالقین تاثیرلندیگی آمریکانین ظالم و غیری-قانونی تحریملرینه معروض قالدیق." دئدی.
تحریملرله موباریزهنین نفته آسیلیلیغین آزالدیلماسی و اورهتمکده اؤزونه اقتدارلا مومکون اولاجاغینی دیله گتیرن روحانی،
آمریکا، ایرانین نفت ایخراجینا قارشی تحریملرله ارز گلیرلریمیزی سالماغی هدفلهییر. بونا قارشی موباریزهنین یولو ایسه اورهتمک و غیری-نفت ایخراجاتی آرتیرماقدیر." ایفادهلرینی ایستیفاده ائتدی.
آمریکانین تحریملرینه قارشی نفت ایخراج ائتمهیه داوام ائدهجکلرینی بیلدیرن روحانی،
آمریکانین ایران نفت ایخراجینی صیفیرا ائندیرمک تلاشی یانلیش و ختالی بیر قراردیر. بیز بو قرارین حیاتا کئچیریلمهسینه یول وئرمیهجگیک. آمریکالیلار، ایرانین نفت ایخراجینا داوام ائتدیگینی گؤرهجک. بیر یولو باغلاماغی نایل اولسالار بئله، بیزیم اوچون باشقا چیخیش قاپیلاری اولدوغوندان خبردار دئییللر. آمریکانی دیزه گئتیرهجگیک." ایفادهلرینی ایستیفاده ائتدی.