پ‌کاکا، ارمنی ترور قروبو قوردو

اولوشوم، ترور هؤرگوتو آسالانی "اؤنچوسو" اولاراق تانیملاییر

پ‌کاکا، ارمنی ترور قروبو قوردو

بؤلوجو ترور هؤرگوتو ی.پ.گ/پ‌کاکا، سوریه‌ده ایشغال ائتدیگی بؤلگه‌لرده سیرالارین‌داکی ارمنی‌لرین ده آرالارین‌دا اولدوغو خارجی تروریستلردن یئنی بیر اولوشوم قوردو.

یئرلی قایناق‌لاردان آلینان معلوماتا گؤره ی.پ.گ/پ‌کاکا، ۱۹۱۵.جی ایل حادثه‌لرینه دایر ارمنی ادعالارینین ایل‌دؤنومون‌ده، آرالارین‌دا ارمنی منشأ‌لی عنصورلارین دا اولدوغو سؤزده تابور(گردان) قوردوغونو اعلان ائتدی.

هؤرگوت، اولوشوما، یانلاریندا ساواشیرکن اؤلن ارمنی نوبار اوزانیانین آدینی وئردی.

قورولوش اعلانین‌دا سؤزده تابور، "روژاوانی تورکییه‌یه قارشی ساوونماغی" آماجلادیقلارینی بیلدیردی.

تخمیناً ۹۰ نفردن عبارت اولان سؤزده تابورون ی.پ.گ/پ‌کاکانین ایشغالین‌داکی قامیش‌لی، حسکه، راس‌العین و عامودادا فعالیت گؤسترجگی، تورکییه سرحدین‌ده تل ابیض، عین العرب و راس‌العین بؤلگه‌لرین‌ده اولاجاغی اؤیرنیلدی.

تروریست اوزانیان، تورکییه‌ده سوءقصد، بومبالاما و گوونلیک گوج‌لری ایله چاتیشمایا گیر‌ن ت.ک.پ/م.ل تیککو ترور هؤرگوتونون سؤزده اورتا دوغو باشچیسی اولاراق ی.پ.گ/پ‌کاکا سیرالارین‌دا ساواشیرکنن ۲۰۱۷ده اؤلموشدو.

اولوشوم، ترور هؤرگوتو آسالانی "اؤنچوسو" اولاراق تانیملاییر.

هؤرگوت توپلانتیلاری سیراسیندا، آذربایجان‌لی تورکلرین قتل‌عاملارین‌دا ایشتیراک ائد‌ن و داها سونرا آسالادا فعالیت یئریدن لئون اکمکچییان، مونته ملکونیان ایله عثمانلی دؤورون‌ده‌کی ارمنی چته‌چیلردن کئوورک چاووش، آندرانیک اوزانیان ایله ترور هؤرگوتو ت.ک.پ/م.ل تیککو قوروجوسو ابراهیم قایپاق‌قایا و تروریست باشی عبدالله اؤجالانین شکیللری گؤرولدو.



ایلگیلی‌لی خبرلر