ایراندا سئل فلاکتی

ایرانداشیددت‌لی یاغیش‌لاردان قایناقلی سئل سببی ایله اؤلکه ایچینده اؤلن‌لرین ساییسی 78ه یوکسلیب.

ایران بحران ایداره ائتمه قورومو توپلوم ایله علاقه‌لر مودیری علی بختیاری، دولت مئدیاسینا وئردیگی آچیقلامادا، 25 ایالتده جمعی 235 شهر و 4 مین 304 کندین تاثیرلندیگی سئل بدبختلیگینده بو آنا قدر 78 نفرین اؤلدوغونو، مین نفرین یارالاندیغینی بیلدیریب.

بختیاری، اؤلکه‌دکی سئل‌دن بیرباشا و یا دولایی اولا‌راق تخمینن 10 میلیون اینسانین تاثیرلندیگینی، 400 مین اینسانین مجبوری اولا‌راق یئرلرین‌دن تخلیه ائدیلدیگینی، 40 مین ائوین خاراب اولدوغونو و 41 مین ائوین ایسه تعمیره احتیاجی اولدوغونو بیلدیردی.

دیگر طرف‌دن ایرانین جنوب-شرقین‌دکی سیستان-بلوچیستان ایالتینه باغلی هیرمند شهرینده تأثیرلی اولان شدت‌لی یاغیش‌لار سببی ایله 8 کندین بوشالدیلدیغی بیلدیریلیب.

سیستان-بلوچیستان ایجرا حاکمیتین‌دن بیلدیریب‌لر کی، هیرمند شهرینده 293 ائوین سولار آلتیندا قالدیغی 5 کند ایله مومکون سئل تهلوکه‌سی‌نین اولدوغو 3 کندین بوشالدیلدیغی بیلدیریلیب.

ایراندا 17 مارسدا باشلایان شدت‌لی یاغیش‌لار اؤلکه‌دکی 31 ایالت‌دن 25ینی تأثیر ائتدی.

عدلی طیب قورومو باشقانی احمد شجاعی، اؤتن هفته وئردیگی آچیقلامادا، سئل سببیله اؤلکه ایچینده 76 نفرین اؤلدوگونو قئید ائتمیش، ایچ ایشلر ناظیری عبدالرضا رحمانی فضلی ایسه مادی ضرین 7 میلیارد 619 میلیون دو‌لار اولدوغونو بیلدیرمیشدی.

ایران‌داکی سئلزده-لره یاردیم اوچون حرکته کئچن تورک قیزیل آی قروپو، ایران قیزیل آی ایله بیرگه تشکیلات‌لارلا فلاکت بؤلگه‌لرینه 5 یوک اوتوموبیلی اینسانی یاردیم ماتریا‌لی چاتدیرمیشدی.