سلیمانینین حسابی باغلاندی

سلیمانینین صحیفه‌سینی گؤرمک ایسته‌یه‌نلر صحیفه‌نین قالدیریلدیغی یازیسی ایله قارشیلاشدی

1184346
سلیمانینین حسابی باغلاندی

سوسیال مئدیا پلاتفورمو اینستاگرام، ایران اینقیلاب محافظلری اوردوسونون اؤلکه دیشین‌دا حربی-استخباری عملیاتلارینی آپاران قدس گوجو باشچیسی قاسم سلیمانینین ۸۸۸ مین تعقیب‌چی‌سی اولان حسابینی باغلادی.

سلیمانینین اینستاگرام صحیفه‌سینی گؤرمک ایسته‌یه‌نلر صحیفه‌نین قالدیریلدیغی یازیسی ایله قارشیلاشدی.

آمریکا بیرلشمیش دؤولتلرینین پرزیدنتی دونالد تراومپ، ۸ آوریل‌ده ایران سپاهینین آمریکانین خاریجی ترور هؤرگوتلری لیسته‌سینه علاوه اولوندوغونو بیلدیرمیش، ایران میللی گوونلیک یوکسک شوراسی دا بونا قارشی‌لیق آمریکا مرکزی گوج‌لرینی (سنتکام) ترور هؤرگوتلری لیسته‌سینه آلدیغینی آچیقلامیشدی.

سلیمانی، آمریکانین سپاهی ترور هؤرگوتو اعلان ائتمه‌سی قرارینا، ۹ آوریل‌ده اینستاگرام حسابین‌دان یاییملادیغی اسکی دانیشیقلارین‌دان توپلانان گؤرونتولو مئساژلا جاواب وئرمیشدی.

آمریکا رهبرلیگینین قراری دونن رسماَ قوه‌یه مینمیشدی.



ایلگیلی‌لی خبرلر