داعش یئنه سالدیردی

عراقین صلاح‌الدین ویلایتین‌ده‌کی ترور هؤرگوتو داعش سالدیریسیندا بیر عسگر و بیر اوشاق حیاتینی ایتیررکن، انبارداکی چاتیشمادا ایسه ۴ تروریست اؤلدورولدو.

صلاح‌الدین و انبار پلیس ایداره‌لرینه باغلی قایناقلارین وئردیگی آچیقلامالارا گؤره، صلاح‌الدینین شرقاط ائلچه‌سین‌ده بیر گوونلیک نقطه‌سینه راکتله سالدیریدا بیر عسگر و اطراف‌دا اولان بیر اوشاق حیاتینی ایتیردی.

راکتین آتیلدیغی یئرین معین ائدیلمه‌سینین آردین‌دان تروریستلرین یاخالانماسی اوچون بؤلگه‌ده عملیات ائدیلدیگی بیلدیریلدی.

انبار ویلایتینین مرکزی رمادینین ۱۶۰ کیلومتر باتیسین‌دا اعراق اوردوسو ایله بیرلیک‌ده الجغایفه قبیله‌سینین ترور هؤرگوتو داعشه باغلی تروریستلرله گیریشدیگی مچاتیشمادا ایسه ۴ تروریستین اؤلو اله گئچیریلدیگی قید ائدیلدی.

قایناقلار، عراق‌دا ترور هؤرگوتو داعشه باغلی یاتمیش حجره‌لرین هله ده وارلیغینی داوام ائتدیردیگینه، ۲۰۱۴ اؤنجه‌سی اویقولادیغی "وور قاچ" تاکتیکی ایله هوجوملار تشکیل ائتدیگینه دقت چکدی.