ایراندا 23 ایالت اوچون داشقین آلارمی
ایرانین ایچ ایشلر ناظیرلیگی سؤزچوسو سلمان سامانی، 24 ساعاتدا 23 ایالتده داشقین آلارمینی آچیقلادی
ایرانین ایچ ایشلر ناظیرلیگی سؤزچوسو سلمان سامانی، 24 ساعاتدا 23 ایالتده داشقین آلارمینی آچیقلادی.
ایرانلی اؤیرنجی خبر آژانسی ایسناین خبرینه گؤره سامانی، "ایچ ایشلر باخانیمیزین تعلیماتی ایستیقامتینده آفت یؤنتیم مرکزی ایله کئچیریلن توپلانتیدا شیدتلی یاغیشلارین میدانا گتیرهجگی ضررلری آزالتماق اوچون 23 ایالتی احاطه ائدهجک شکیلده 24 ساعات گئچرلی سئل آلارمی وئریلمهسی قراری آلیندی." دئدی.
سئل ریسکی یاشایان ایالتلرین والی و بلدیه باشقانلارینین سئل تهلوکهسی سونا چاتانا قدر ایجازهیه آیریلماسینین قاداغان ائدیلدیگینی سؤیلهین سامانی، خالقین سئلدن تاثیرلنممهسی اوچون بوتون ایمکانلارین سفربر ائدجگینی وورغولادی.
سامانی، سئل تهلوکهسی آلتیندا اولان بؤلگهلردکی خالقین مسئولاردان گلهجک خبردارلیقلاری جیدی قبول ائتمهلرینی و اونلارا کؤمکچی اولمالارینی ایستهدی.
ناظیرلیگین آفت یؤنتیم مرکزی ایله اویغونلاشما حالیندا چالیشدیغینی وورغولایان سامانی، اولا بیلهجک سئل فلاکتی اوچون لازیملی اولان بوتون تدبیرلرین آلیندیغینی دیله گتیردی.
ایراندا 2 هفته بویونجا آغیر یاغیش سبب اولان داشقینلار بوتون اؤلکهنی ووردو و 44 نفر اؤلدو.
ایراندا سئل فلاکتینین یاشاندیغی بؤلگهلردن گولوستان ایالتینده سئل فلاکتی زامانی خاریه تعطیلاتا گئتدیغی اؤیرنیلن والی مناف هاشمی اؤلکهده موذاکیره موضوعسو اولموش و بونون اوزرینه وظیفهسیندن آلینمیشدی