ایسرایل غزه-یه هاوا هوجومو تشکیل ائتدی

ایسرایل-ین ساواش اوچاقلاری غزه-ده حماس-ین حربی قانادی اولان عزالدین قصام بریقادا‌لارینا عایید موضعینه هاوا هوجومو تشکیل ائتدی.

ایسرایل اردوسو هوجوملا باغلی یازی‌لی معلومات یایدی.

یازیلی معلوماتدا دؤیوش طیاره لرینین غزه-دن ایسرایل طرفینه "آلوو‌لانان بالن" گؤندریلمه‌سیندن سونرا عزالدین قصام بریقادا‌لارینا عایید بیر حربی کومپلکسین بعضی موضع لرینی بومبالادیغی بیلدیریلیر.

ایسرایل وطنداش‌لارینا ضرر وئرمه جهدی‌نین سون درجه تهلوکه‌لی اولا‌راق دیرلندیریلدیگی ایفاده ائدیلن معلوماتدا غزه-ده باش وئرن‌لرین مسئولیتی‌نین حماس-ین اوزرینه دوشدوگو قئید ائدیلیر.

هوجومدا ایتکی‌لر و خسارتین اولوب-اولماماسی باره‌سینده هله هئچ بیر معلومات یوخ‌دور.

فیلیسطین طرفی ده هوجوما عایید بیر آچیقلاما وئرمه‌ییب.

قئید ائتمک لازیم‌دیر کی، ایسرایل اردوسو سون دؤورده غزه طرفیندن هاوایا بوراخیلان چرپلنگ و بالن لارین ایسرایل طرفینه یانیجی ماده داشیدیغینی ادعا ائده‌رک، بؤلگه‌یه هوجوم‌لار تشکیل ائدیر.