هیندیستانلی پیلوت اؤلکهسینه وئریلدی
"ایکی پاکیستانلی عسگر منی اینسانلارین الیندن قورتاردی"
پاکیستانین ووردوغو ساواش اوچاغینین پیلوتونو هیندیستانا وئردی.
ایکی اؤلکه سرحدیندهکی سرحد قاپیسینا آپاریلان پیلوتون یانیندا هیندیستانین اسلام آبادداکی هاوا آتاشهلیگی مقاملاری ده یئر آلدی.
سرحد قاپیسیندا ساغلیق کنترلوندان گئچیریلهن هیندیستانلی پیلوتون سندلریندهکی نقصانلاردان دولایی ایشلر اوزون سۆردو.
پاکیستاندان آیریلمازدان اول اوردو طرفیندن پایلاشیلان بیر گؤرونتوده دانیشان پیلوت، پاکیستاندا هدف معین ائتمهیه چالیشارکن وورولدوغونو و اؤزونو اوچاقدان آتدیغینی بیلدیردی،
"ائندیغیم یئرده بیر چوخ اینسان واریدی و اؤزومو قورتاراجاق تک آدام من ایدیم. سلاحیمی دوشوردوم و قاچماغا باشلادیم. ایکی پاکیستانلی عسگر منی اینسانلارین الیندن قورتاردی" دئیه دانیشدی.
عسگرلر طرفیندن آپاریلدیغی یئرده اونا طبی ایلک یاردیم ائدیلدیگینی سؤیلهیهن پیلوت، سونرا خستهخانایا آپاریلدیغینی سؤیلهدی.
پاکیستان اوردوسونون اؤزونه یاخشی داوراندیغینی دا ایفاده ائدن پیلوت،
"هیند مئدیاسی حقیقتی تحریف ائدیر. ان خیردا شئیی ده چوخ بؤیوک بیر شئی ایمیش کیمی سوناراق اینسانلاری یانلیش یؤنلندیریر" دئدی.
پیلوتون سربست بوراخیلماسینا دایر آچیقلاما وئرهن پاکیستان خاریجی ایشلر باخانلیغی،
"گؤزآلتیندا اولدوغو مدتده اونا اولوسلارآراسی حقوق چرچیوهسینده داورانیلدی" ایفادهسی ایشلدیلدی.
هیندیستانلی پیلوتون اوچاغی، ۲۷ فوریه سحری گیردیگی پاکیستان هاوا ساحهسینده دیگر هیندیستان اوچاغی ایله بیرلیکده پاکیستان اوچاقلاری طرفیندن وورولموش، بیر اوچاق پاکیستان سرحدلری ایچینه دوشموشدو.
پاکیستان باشباخانی عمران خان، هیندیستانلی پیلوتون باریشچیل نیتلرینین گؤستریجیسی اولاراق سربست بوراخیلاجاغینی آچیقلامیشدی.
ایلگیلیلی خبرلر
ایسرائیل اوردوسو لبنانین گونئیینه هاوا هوجومو ائندیریب
ایسرائیل اوردوسونا مخصوص ساواش اوچاقلاری لبنانین گونئیینده ان آزی 13 دفعه 4 نقطهنی ووروب