پاکیستان اوردو نماینده‌سین‌دن هیندیستانلا باغلی آچیقلاما‌لار

غفور، پاکیستانا غرب گؤزلوغو ایله باخسانیز بیزی پیس ایماژی اولان بیر اؤلکه کیمی گؤررسینیز. بیزه تورکیه‌نین، ایرانین، چین‌ین، سریلانکانین گؤزو ایله باخین دئدی

1154164
پاکیستان اوردو نماینده‌سین‌دن هیندیستانلا باغلی آچیقلاما‌لار

 

پاکیستان اوردو نماینده‌سین‌دن آچیقلاما‌لار

پاکیستانین اوردو سؤزچوسو ژنرال آسیف غفور، هیندیستانلا یوکسه‌لن گرگین‌لیک قارشی‌سیندا داوام‌لی اولا‌راق دیالوق یولو آرادیق‌لارینی بیلدیریب،

" ساواش، سیاستین بیتدیگی یئرده باشلاییر. پاکیستانین مقصدی ساواشاجاق وضعیته دوشممکدیر." دئدی.

غفور، پاکیستان‌داکی خاریجی مئدیا نماینده‌لری ایله کئچیردیگی گؤروشمه‌ده، ایکی گون‌دور اؤلکه‌سی ایله هیندیستان آراسیندا باش وئرن حادثه‌لره موناسیبتین قیمتلن‌دیریردی.

پاکیستانین پولواما سالدیریسی‌نین باش وئردیگی 14 فوریه‌دن بو یانا دیالوق چاغیریشی ائتدیگینی خاطیرلا‌دان غفور، یالنیز باش ناظیر عمران خان‌ین 3 دفعه هیندیستانا ترورو دانیشماق و کشمیر پروبلمینی حلّ ائتمک اوچون گؤروشمه تکلیف ائتدیگینی دئییب.

هیندیستانین هله چاغیریش‌لارا مثبت جواب وئرمدیگینی دئین غفور،

"ساواش، سیاستین بیتدیگی یئرده باشلاییر. پاکیستانین مقصدی ساواشماق وضعیته دوشممکدیر. دونیا پاکیستانین آتدیغی هر آددیمین باریش و دیالوق اوچون اولدوغونو گؤره‌جک." دئیه دانیشدی.

هیندیستانین آپاردیغی هاوا ساحه‌سی پوزونتویو ایله دونن پاکیستان طرفین‌دن کئچیریلمیش هاوا عملیاتی و ایکی هیند اوچاغینین وورولماسینا موناسیبتین آیرینتی‌لاری پایلاشان غفور،

پولواما سالدیریسی‌نین باش وئردیگی گون‌دن بو یانا هاوادا گؤزجو گوجلریمیز واردی. بو گوجلر هیندیستان طرفین‌دن اوچاق‌لارین لاهور و سیالکوت ایستیقامتینه حرکتینی موشاهیده ائتدیکده حرکته کئچدی. بو زامان ایکینجی تیمیمیز هاوایا قالخدی و مانع اولمایا چالیشدی. ایکینجی تیمیمیز مانع اولمایا چالیشیرکن اوچونجو قروپ هاوایا قالخدی. هیند اوچاق‌لاری‌نین بو نقطه‌ده هدفه کیتلنمه‌دیغینی قیمتلن‌دیریرم. اوچونجو قروپون گلیشی ایله هاوادا یو شکلی چکن هیند اوچاق‌لاری 4 مهمات بوراخدی. بو مهماتلار آزادد دوشوش ائده‌رک بوش اراضییه دوشوب. اگمنلیگیمیزی پوزدولار و جواب وئرمگیمیز لازیم ایدی." ایفاده‌لرینی ایستیفاده ائتدی.

بو پوزونتویا پاکیستان اوچاق‌لاری‌نین بیر گون سونرا جواب وئردیگینی خاطیرلا‌دان غفور،

" اولکه‌میزین احوال-روحیه و اوردوموزون ایماژی اوچون مسئولیت ایچینده اولا‌جاق شکیلده جواب وئردیک. اوّل هدف‌لری سئچدیک، سونرا اطرافین‌داکی تأثیر ساحه‌سینده حیات، یاشاییش، یا دا نیظامی بیر هدف وار - دئیه نظارت ائتدیک‌دن سونرا گوندوز ساعات‌لاریندا، پاکیستان هاوا ساحه‌سیندن چیخما‌دان آتلاریمیزی آپاردیق." شکلینده دانیشدی.

وورولان هیندیستان اوچاق‌لاری‌نین ایسه بو آتش‌لردن 1 ساعات سونرا هیندیستان‌دان قالخان اوچاق‌لار اولدوغونو قئید ائدن غفور، "10 کیلومتر سرحدیمیزدن ایچری گیردی‌لر، بیز ده ووردوق." ایفاده‌لرینی ایستیفاده ائتدی.

غفور، هیندیستانین طلب ائتمه‌سی حالیندا توتان هیندیستان‌لی پیلوتو سربست بوراخا‌جاق‌لارینی وورغولاییب،

" اؤنجه سوروشما‌لاری لازیم، سونرا دوشونه‌ریک. اؤلکه‌میزه گوناه‌سیز اینسان‌لاری اؤلدورمه‌یه گلمیش اولسا بئله عایله‌سیله گؤروشونو ده تکلیف ائدیریک." دئدی.

هیندیستانین، اوچاق‌لاری‌نین دوشمه‌سی‌نین آردین‌دان پاکیستان اوچاغینی ووردوغو ایستیقامتین‌دکی ادعاسینی خاطیرلا‌دان غفور،

" پاکیستان اف-16سینی ووردوق دئدی‌لر. هارادا بو اوچاق؟ وارسا گؤسترسین‌لر و ثبوت ائتسین‌لر." دئیه دانیشدی.

هیندیستانین 350 میلیتانی اؤلدوردوگو ادعا‌لارینا توخونان غفور،

" ایسلامیته گؤره بیر نفر اؤلدوگو زامان باسدیریلیر و نامازی قیلینیر. بئله بیر مزار، یا دا مئیّت یوخ 350 نفری اؤلدوردوک‌لرینی دئییرلر. هارادا بو 350 جسد ؟ دئییل 350 نفر، بیر داملا قان بئله یوخ." قیمتلندیرمه‌سی ائدیب.

بو ادعا‌لارین غرب مئدیاسی طرفین‌دن هیندیستان اورقان‌لارینا وئریلمدیگینی ساوونان غفور، "کیمسه هیندیستانین 350 اینسان اؤلدوردوگو ایله باغلی معلومات وئرمیر، سوال وئرمیر. پاکیستان 350 اینسان اؤلدورموش اولسایدی مین‌لرله خبر ائدیلیردی." دئدی.

غرب مئدیاسی‌نین هیندیستان-پاکیستان گرگینلیگینده ایکی اوزلو حرکت ائتدیغینی و پاکیستان حاقیندا پیس ایماژ فورمالاشدیرماغا چالیشدیغینی ادعا ائدن غفور،

" پاکیستانا غرب گؤزلوغو ایله باخسانیز بیزی پیس ایماژی اولان بیر اؤلکه کیمی گؤررسینیز. بیزه تورکیه‌نین، ایرانین، چین‌ین، سریلانکانین گؤزو ایله باخین. 11 سپتامبری ائدن‌لر آراسیندا بیر دنه پاکیستان‌لی یوخ ایدی. غربین بیر او اینسان‌لارین اؤلکه‌لرینه، بیر ده پاکیستانا نه ائتدیگینی گؤرون." ایفاده‌لرینی ایستیفاده ائتدی.

غفور، پاکیستانین غرب طرفین‌دن آپاریلان آنتی‌ترور ساواشینا قوشولدوغونو دا افغانیستان مسئله‌سیله خاطیرلاتدی.



ایلگیلی‌لی خبرلر