پاکستان: ایکی هیند ساواش اوچاغی وورولدو

پاکیستان اوردوسون‌دان وئریلن آچیقلامادا هاوا ساحه‌لرینه گیرن ایکی هیند ساواش اوچاغینین وورولدوغو و بیرینین دوشدویو بیلدیریلدی

1153343
پاکستان:  ایکی هیند ساواش اوچاغی وورولدو

هیندیستان حربی هاوا گوج‌لرینه عاید بیر ساواش اوچاغی جامو و کشمیرین بدگام بؤلگه‌سینده دوشدو.

گارند کالان کندی یاخینلیغین‌دا، یئرلی واختلا ساعات ۱۰.۰۰ سولارین‌دا آچیق اراضییه دوشن اوچاق ایکییه آیریلاراق آلوو آلدی.

حادثه‌ده ۲ پیلوت و بیر وطنداشین حیاتینی ایتیردی ادعا ائدیلدی.

پاکیستان اوردوسون‌دان وئریلن آچیقلامادا ایسه هاوا ساحه‌لرینه گیرن ایکی هیند ساواش اوچاغینین وورولدوغو و بیرینین دوشدویو بیلدیریلدی.

پاکیستان، "هیندیستانلا گرگین‌لیگی آرتیرماق ایسته‌مه‌دیگینی آنجاق مجبور قالماسی دوروموندا هر شئیه حاضرلیق‌لی اولدوغونو" آچیقلادی.

دیگر طرف‌دن، هیندیستان مطبوعاتین‌دا یئر آلان خبرلره گؤره، پاکیستان حربی هاوا گوج‌لرینه عاید اف-۱۶ تیپی اوچ ساواش اوچاغینین، سحر ساعاتلارین‌دا، هیندیستانین کنترلونداکی جامو کشمیرین نوشرا بؤلگه‌سین‌ده اوچدوغو معین ائدیلدی.

مقاملار، هیندیستان ساواش اوچاق‌لارینین آلدیغی اؤنله‌مه‌دن سونرا اوچاق‌لارین پاکیستان طرفینه قاییتدیغینی بیلدیردی.

هیندیستان، کشمیر کنترل خطینین پاکیستان طرفین‌ده‌کی جیش محمد هؤرگوتونه عاید کمپه هاوا سالدیریسی تشکیل ائتدیگینی بیلدیرمیشدی.

پاکیستان سلاح‌لی گوج‌لرینین سؤزچوسو ژنرال آصف غفور ایسه هیندیستان ساواش اوچاق‌لارینین کشمیر کنترل خطین‌ده مظفرآباد بؤلگه‌سین‌دن پاکیستان هاوا ساحه‌سینی پوزدوغونو، سرحددن ۵-۶ کیلومتر ایچری گیره‌ن اوچاق‌لاردان بیرینین پاکیستان ساواش اوچاق‌لارینین مداخیله‌سینین آردین‌دان بؤلگه‌دن قاچارکن عجله ایله بومبا آتدیغینی آچیقلامیشدی.

بومبانین دوشدویو یئرین و بومبا قالیقلارینین فوتوگرافلارینی پایلاشان غفور، هر هانسی بیر مادی زیان و یا جان ایتکی‌سی اولمادیغینی قید ائتمیشدی.

هیندیستان‌دا ۱۴ فوریه‌ده پارامیلیس کروانینی هدف آلان بومبالی سالدیریدا ۴۴ عسگر حیاتینی ایتیرمیش، ۲۰ عسگر ده یارالانمیشدی.

یئنی دهلی رهبرلیگی سالدیرییلا باغلی پاکیستانی سوچلامیش، سالدیرینی قینایان پاکیستان ایسه سوچلامانی رد ائتمیشدی.



ایلگیلی‌لی خبرلر