ایران‌دان اوچ اؤلکه‌یه تهدید

"دونیا سوپر گوجلرینی مغلوبیته اوغراتماق اوچون پلانیمیز وار"

ایران‌دان اوچ اؤلکه‌یه تهدید

ایران اینقیلاب محافظلری اوردوسو باشچی یاردیمچیسی حسین سلامی، آمریکا بیرلشمیش ایالتلری، ایسراییل و سعودی عربیستانی اؤلکه‌نین گونئی دوغوسوندا ۲۷ عسگرین اؤلدویو ترور سالدیریسیندان مسئول توتدو.

باشکند تهران‌دا سیستان و بلوچیستان ایالتین‌ده‌کی ترور سالدیریسیندا حیاتینی ایتیره‌ن ۲۷ عسگر اوچون تشکیل ائدیله‌ن آنما پروقرامین‌دا دانیشان سلامی، آمریکا بیرلشمیش ایالتلری، ایسراییل و سعودی عربیستانا سرت تنقیدلر یؤنلتدی.

 ایران‌داکی ترور سالدیریسینین کیچیک مقیاسلی اولمادیغینی و "کوره‌سل اولاراق حاضرلانان تهلوکه‌لی بیر ایستراتژییه" گؤره گرچکلشدیریلدیگینی ساوونان سلامی، "ساواش‌چیلاریمیز آمریکا بیرلشمیش ایالتلری، ایسراییل و بؤلگه‌ده‌کی عرب حکومتلری اوچلوسونه قارشی موباریزه ائدیر" فیکیرلرینی پایلاش‌دی.

سالدیریدا حیاتینی ایتیره‌ن عسگرلرین اینتیقامینی آلماق اوچون لازیم اولان پلانلامالار ائتدیکلرینی بیلدیرن سلامی، "دونیا سوپر گوجلرینی مغلوبیته اوغراتماق اوچون پلانیمیز وار. ساواشیمیز یالنیز بیر نقطه ایله محدود قالمایاجاق، چونکو تروریستلری سایی باخیمیندان اله آلمیریق" دئدی.

 ایرانین گونئی دوغوسوندا یئر آلان سیستان و بلوچیستان ایالتینین مرکزی زاهدان شهرین‌ده ۱۳ فوریه چرشنبه گونو بومبا یوکلو اتومبیلله تشکیل ائدیله‌ن انتحار سالدیریسیندا اینقیلاب محافظلری اوردوسو منسوبو ۲۷ عسگر حیاتینی ایتیرمیش‌دی. سالدیرینی بؤلگه‌ده فعالیت گؤستره‌ن جیش العدل آدلی هؤرگوت اوستنلمیشدی.

اینقیلاب محافظلری اوردوسون‌دان دونن وئریلن یازی‌لی آچیقلامادا، گوونلیک گوج‌لرینین سیستان و بلوچیستان ایالتینه باغلی سراوان و خاش شهرلرین‌ده تشکیل ائتدیگی عملیات‌دا زاهدانداکی ترور سالدیریسییلا ایلگیلی ۳ نفرین گؤز آلتینا آلیندیغی دویورولموشدو.



ایلگیلی‌لی خبرلر