جاواد ظریف پکن-ده همکاری ایله گوروشدو

ایران خاریجی ایشلر ناظیری جاواد ظریف پایتاخت پکن-ده چین جمهوریتی‌نین خاریجی ایشلر ناظیری وانگ یی ایله گؤروشدو.

1148592
جاواد ظریف پکن-ده همکاری ایله گوروشدو

ایران خاریجی ایشلر ناظیری جاواد ظریف پایتاخت پکن-ده چین جمهوریتی‌نین خاریجی ایشلر ناظیری وانگ یی ایله گؤروشدو.

خاریجی ایشلر ناظیرلیگیندن وئریلن یازی‌لی آچیقلامایا گؤره، چین خالق جمهوریتی‌نین خاریجی ایشلر ناظیری وانگ یی و ایران خاریجی ایشلر ناظیری جاواد ظریف پایتاخت پکن-ده کی دؤولت قونال ائوینده گؤروشوب‌لر.

چین-ین خاریجی ایشلر ناظیری وانگ یی گؤروشده اورتا دوغودا و اولوسلار آراسی عالمده بؤیوک دییشیک‌لیک‌لر اولدوغونو، چین-ایران علاقه‌لری‌نین یئنی وضعیت‌لرله اوزلشدیک‌لرینی بیل‌دیره‌رک: "ایرانین بولگه سل مسئله‌لرده یاپیجی رول اویناماسینی گؤزلییریک و بونا اهمیت وئریریک" دئییب.

ایکی اؤلکه‌نین معین زامان‌لاردا دالغا‌لی پروسه لر ایله قارشیلاشدیغینی، لاکین استراتژی استقرارینی داوام ائتدیردیگینی قئید ائدن وانگ یی پکن و تئهران رهبرلیک‌لری‌نین ایکی طرف‌لی امکداش‌لیغی قورویوب ساخلادیق‌لارینا و احاته‌لی استراتژی طرفداش‌لیق علاقه‌لرینه داوام‌لی اولا‌راق یئنی مظمون قازاندیردیق‌لارینا دقت چکیب.

ایران خاریجی ایشلر ناظیری جاواد ظریف: "چین و ایران آراسینداکی استراتژی طرفداش‌لیق علاقه‌لرینه بؤیوک اهمیت وئریریک. چینی ایرانین اهمیت‌لی و احاته‌لی امکداشی اولا‌راق گؤروروک" ایفاده‌لرینی ایشلدیب، ایران پارلامئنتی‌نین صدری علی لاریجانی‌نین چین سفری‌نین ایکی طرف‌لی علاقه‌لرده یئنی بیر باشلانغیجا وسیله اولاجاغینا اومید ائتدیک‌لرینی دیله گتیریب.

"کمر و یول" تشببوسونون ایکی اؤلکه اوچون خصوصی معنا کسب ائتدیگینی وورغولایان ظریف اؤلکه‌سی‌نین "کمر و یول"ون اینشاسی ایستیقامتینده ایره‌لیله‌ین پروسه سه آکتیو شکیلده قوشولماغا حاضر اولدوغونو بیلدیردی.

طرف‌لر ایران نوکلئر مسئله‌سی ایله باغلی هرطرف‌لی فیکیر موبادیله‌سی آپاریب‌لار، موقاویله‌نین احاته‌لی شکیلده تطبیق اولونماسینا، چوخ طرفلیلیگین قورونماسی ایستیقامتینده سعی گؤستریلمه‌سینه و موجود حاق و منفعت‌لرله علاقه‌دار یاخین علاقه‌لری گوجلندیرمه‌یه داوام ائده‌جک‌لرینی بیر داها تصدیق ائدیب‌لر.



ایلگیلی‌لی خبرلر