"بو گئتدییمیز بیر یول دئییل"
ژنرال جوزف ووتل، تورکیه طرفیندن آختاریلان پ‌کاکالی تروریست مظلوم کوبانی کد آدلی شاهین جیلو ایله سوریه‌ده آمریکایا عاید هاوا مرکزینده گؤروشدو
آمریکا بیرلشمیش ایالتلری مرکز گوجلری (سنتکوم) باشچیسی جوزف ووتل، سوریه دموکراتیک گوجلری آدینی ایستیفاده ائدن بؤلوجو ترور هؤرگوتو یپگ/پ‌کاکانین، اؤزلرین‌دن، سوریه‌دن چکیلمه‌مه‌لرینی طلب ائتدیگینی، آنجاق بونون حاضردا بیر سئچه‌نک اولمادیغینی بیلدیردی.
آمریکا مئدیاسینا گؤره، سنتکوم باشچیسی ژنرال جوزف ووتل، تورکیه طرفیندن آختاریلان و آمریکا رهبرلیگین‌ده‌کی داعش قارشیدی کوالیسیونون س‌دگ(سوریه دموکراتیک گوجلری)نین باشچیسی اولاراق تانیدیغی پ‌کاکالی تروریست مظلوم کوبانی کد آدلی شاهین جیلو ایله سوریه‌ده آمریکایا عاید هاوا مرکزینده گؤروشدو.
پ‌کاکای تروریست جیلو، آمریکادان، هاوادا و ساحه‌ده دستک قوه‌سی ایستدیگینی ایفاده ائتدی.
جیلو ایله گؤروشون‌دن سونرا مطبوعاتا آچیقلامالار وئره‌ن ووتل،
"بیزدن ائتمه‌میزی ایستدیکلری شئیلری طبیعی کی بیلیریک. آنجاق بو حاضردا گئتدییمیز بیر یول دئییل" ایفاده‌سینی ایشلتدی.
آمریکانین سوریه‌ده عسگر بوراخما‌سینین سؤز قونوسو اولوب اولمادیغینا یؤنه‌لیک بیر سوالا ایسه ووتل،
"دارتیشما آمریکا عسگرلرینین بورادا قالیب قالماماسی اوزرین‌ده دئییل. کوالیسیونون قوه‌لرینین نه ائده‌بیله‌جگی پتانسیلینه باخدیق" دئدی.
ووتل، آیریجا آمریکا پرزیدنتی دونالد ترامپین دسامبر آیین‌دا وئردیگی چکیلمه تاپشیریغینی حیاتا گئچیردیکلرینی ایفاده ائتدی.
