نتانیاهو، مخفی‌لیک مدتی‌نین 20 ایل داها اوزادیلماسینا قرار وئردی
ایسرائیل قزئتی هاآرتض‌ه گؤره، نتانیاهو ژانویه آییندا داها چوخ دقت‌لی اولماغی طلب ائدن امنیتله باغلی سبب‌لردن اؤترو 1949دان بو یانا گیزلی ساخلانیلان همین سندلرین 20 ایل داها گیزلی قالماسینا قرار وئریب
ایسرائیل باش ناظیری بنیامین نتانیاهو، ایسرائیل ایچ کشفیات سرویسی شاباک و خاریجی کشفیات سرویسی موساد کشفیات سرویسی‌نین حیاتا کئچیردیگی عملیات‌لارا عایید سندلرین مخفی‌لیک مدتی‌نین 20 ایل داها اوزادیلماسینا قرار وئردی.
ایسرائیل قزئتی هاآرتض‌ه گؤره، نتانیاهو ژانویه آییندا داها چوخ دقت‌لی اولماغی طلب ائدن امنیتله باغلی سبب‌لردن اؤترو 1949دان بو یانا گیزلی ساخلانیلان همین سندلرین 20 ایل داها گیزلی قالماسینا قرار وئریب.
خبرده، سندلردن بیری‌نین، حماس لیدرلرین‌دن محمود المبهوهون موساد کشفیات سرویسی‌نین طرفیندن 2010دا دوبی‌ده اؤلدورولمه‌سی ایله علاقه‌لی اولدوغو قئید ائدیلیب.
دیگر طرف‌دن اینسان حاق‌لاری تشکیلات‌لاری، کئفی کیمی آدلاندیردیغی بو قرارین، آرشیو سندلری‌نین آچیقلاماسین‌داکی دولت منفعتینی گؤرممزلیگه ووردوغونو قئید ائدیب.
ایسرائیل مجلیسی 2018ده همین سندلرله باغلی مخفی‌لیک مدتی‌نین یالنیز 5 ایل اوزادیلماسی ایستیقامتینده توصیه قراری آلمیشدی.
سؤز قونوسو قرارین ایسرائیل‌ین 1948دن بو یانا فیلیسطین‌لی‌لر علیهینه حیاتا کئچیردیگی عملیات و قتل عام‌لارلا باغلی معلومات‌لارین آشکارا چیخاریلماسینی مانع اولاجاغی بیلدیریلیر.
