افغانیستانین باریش دانیشیق‌لاری داوام ائدیر
افغان سیاستچی‌لری ایله ترور تشکیلاتی طالبان نماینده‌لری آراسیندا روسیانین باشکندی موسکوادا کئچیریلن توپلانتی سونراسی درج اولونان بیاناتدا، طالبان لیدرلری‌نین اولوسلار آراسی قارا لیسته‌لردن چیخاریلماسی‌نین لازیم اولدوغو ایفاده ائدیلیب
افغانیستانین باریش دانیشیق‌لاری داوام ائدیر
افغان سیاستچی‌لری ایله ترور تشکیلاتی طالبان نماینده‌لری آراسیندا روسیانین باشکندی موسکوادا کئچیریلن توپلانتی سونراسی درج اولونان بیاناتدا، طالبان لیدرلری‌نین اولوسلار آراسی قارا لیسته‌لردن چیخاریلماسی‌نین لازیم اولدوغو ایفاده ائدیلیب.
موسکوادا، افغانیستاندا باریش تامین اولونماسینا یؤنلیک تشکیل اولونان ایکی گونلوک توپلانتی سونوندا افغان سیاستچی‌لری ایله طالبان نماینده‌لری طرفین‌دن بیر بیانات وئردی.
اؤلکه‌ده داوام‌لی بیر باریشین تامین اولونماسی اوچون طرف‌لره مراجعت ائدیلن بیاناتدا،
" افغان جمعیتی آراسی مصلحتلشمه‌لرین داوام ائتدیریلمه‌سی، آمریکا ایله طالبان آراسیندا دانیشیق‌لارا دستک تامین اولونماسی و دیگر اؤلکه‌لرین افغانیستانا موداخیله ائتممه‌سی لازیم اولدوغو موضوعسوندا راضی‌لیق الده اولونوب." ایفاده‌سینه یئر وئریلیب.
اؤلکه‌دکی باریش پروسه‌سینه اولوسلار آراسی جمعیتین ده دستک وئرمه‌سینه ایشاره ائدیلن بیاناتدا،
قاتیلیمجیلار، افغانیستاندا باریش دانیشیق‌لاریندا ایرلیلییش الده ائدیلمه‌سی اوچون طالبان لیدرلری‌نین بیرلشمیش میللت‌لره عایید قارا لیسته‌لردن چیخاریلماسی‌نین و قطرده رسمی سیاسی بورو آچماغین لازیم اولدوغونو دوشونور." ایفاده‌لری ایستیفاده ائدیلدی.
توپلانتی‌نین آردین‌دان مطبوعات نماینده‌لرینه بیانات‌لار وئرن افغانیستان پرزیدنتی کئچمیش امنیت موشاویری و پرزیدنت‌لیگه نامیزدی حنیف آتمار، اؤلکه‌ده راضیلیغا یؤنلیک موذاکیره‌لرین، حکومتین قاتیلیمی ایله قاپسایجی اولماسی لازیم اولدوغونون وورغولاییب.
طالبانین ترور تشکیلاتی داعشله موباریزه‌یه قارشی موباریزه‌سینه ده توخونان آتمار،
" طالبان داعشله موباریزه ائتمک مسئله‌سینده ماراغینی دیله گتیردی." دئدی.
طالبان هیاتی‌نین نماینده‌سی شر محمد عباس ایستانیکزی ایسه آمریکا‌لی قوشون‌لارین افغانیستان‌دان چکیلمه‌سینه قارشی بیر تقویم معین اولونمادیغینا ایشاره ائده‌رک،
" بو باره‌ده هله بیر راضیلاشما الده اولونمادی و مصلحتلشمه‌لر داوام ائده‌جک. بو باره‌ده دانیشماق اوچون هله تئزدیر. آمریکا‌لی قوشون‌لارین ان قیسا زامان ایچری‌سینده چئگیلمه‌لرینی طلب ائدیریک." شکلینده دانیشدی.
روسیا‌داکی افغان دیاسپور مرکزی‌نین تشکیل ائتدیگی، افغانیستان‌دکی ساواشین سونا چاتدیریلماسی اوچون موسکوادا کئچیریلن ایجلاس صاباح دا داوام ائده‌جک. بعضی افغان سیاستچی‌لری ایله طالبان نماینده‌لری‌نین قاتیلدیغی توپلانتییا افغانیستان حکومت نماینده‌لری قاتیلمیر.
ایلگیلی‌لی خبرلر
ایسرائیل اوردوسو لبنانین گونئیینه هاوا هوجومو ائندیریب
ایسرائیل اوردوسونا مخصوص ساواش اوچاقلاری لبنانین گونئیینده ان آزی 13 دفعه 4 نقطه‌نی ووروب
