ایران کوسموس آراشدیرما‌لاری مرکزینده یانقین: اوچ علم اینسانی اؤلدو
کومونیکاسیون و اینفورماسیون تکنولوژی‌لری ناظیری محمد جواد آذری جهرومی، تهرانین مرکزین‌دکی کوسموس نقلیاتی سیستم‌لری اینستیتوسوندا هله کی، معلوم اولمایان سبب‌دن یانغین چیخدیغینی آچیقلاییب
ایران‌ین پایتختی تهران‌داکی فضا/ کوسموس آراشدیرما‌لاری مرکزینده چیخان یانقیندا اوچ علم اینسانی اؤلدو.
ایرانلی اؤیرنجی‌لر اینفورماسیون آژانسی ایسنایا گؤره، کومونیکاسیون و اینفورماسیون تکنولوژی‌لری ناظیری محمد جواد آذری جهرومی، تهرانین مرکزین‌دکی کوسموس نقلیاتی سیستم‌لری اینستیتوسوندا هله کی، معلوم اولمایان سبب‌دن یانغین چیخدیغینی آچیقلاییب.
جهرومی،
" یانقین سببی ایله اوچ ایش یولداشیمیز اؤلدوغو." دئدی.
یانقینین بینادا وظیفه‌لی پرسونلین اینقیلابین ایلدؤنومو موناسیبتیله کئچیریلن بایرام تدبیرینده قاتیلدیقلاری واخت چیخدیغینی بیل‌دیرن جهرومی، بو سببله کیمسه‌نین وضعیتی فرق ائتمدیگینی دئییب.
ایرانلی ناظیر، یانغی‌نین نه واخت چیخدیغی و اؤلن‌لرین آدلاری ایله باغلی معلومات وئرمه‌ییب.
ایران ایرتیباطات و اینفورماسیون تکنولوژی‌لری ناظیرلیگی‌نین تابعلیگینده فعالیت گؤسترن کوسمیک آراشدیرما مرکزی‌نین فعالیتی، واشینگتونون اعتراضینا سبب اولموشدو.
تهرانین اویدو فعالیت‌لرینی بالیستیک موشک پروقرامی‌نین ترکیب بؤلومو کیمی قیمتلن‌دیرن آمریکا رهبرلیگی، ایرانا اویدو بوراخما دا داخیل بوتون بالیستیک موشک فعالیت‌لرینی دایاندیرماغا چاغیرمیشدی.
ایران، 15 ژانویه‌ده "پیام" آدلی یئرلی اوره‌تیم اویدوسو کوسموسا آتمیش آنجاق مداره یئرلشدیرمه مرحله‌سی اوغورسوزلوقلا نتیجه‌لنمیشدی.
جهرومی، قیسا مدت اوّل وئردیگی بیاناتدا، دینج مقصدلی یئنی یئرلی اوره‌تیم اویدو بوراخماغا حاضیرلاشدیق‌لارینی بیلدیرمیشدی.
