اسیرلر مبادله ائدیلدی

بیر عسگره قارشی‌لیق ۷ حوثی سربست بوراخیلدی

1135441
اسیرلر مبادله ائدیلدی

یمن‌ده اسیر موبادیله‌سی چرچیوه‌سین‌ده بیر سعودی عربستان‌لی عسگر قارشیلیغین‌دا ۷ حوثی سربست بوراخیلدی.

سعودی عربستان خبر آژانسی سپانین خبرینه گؤره، سعودی عربستان رهبرلیگین‌ده‌کی کوالیسیون گوجلرینین سؤزچوسو، آلبای تورکی المالکی، کوالیسیون اورتاق گوج‌لرین بیر عسگره قارشی‌لیق ۷ حوثینین سربست بوراخیلماسینا اونای وئردیگینی بیلدیردی.

مالکی، سعودی عربستان‌لی اسیر عسگرین آخشام ساعاتلارین‌دا ریاضداکی کرال سلمان هاوا مرکزینه گلدیگینی دئدی.

یمن‌ده‌کی حوثیلرین الین‌ده ساخلانیلان اسیرلرین ساییسی و تابعیت‌لرینه دایر معلومات وئرمه‌یه‌ن مالکی، کوالیسیون گوج‌لرینه باغلی اسیرلرین سربست بوراخیلماسی اوچون ایشلرین داوام ائتدیریلدیگینی بیلدیردی.

سربست بوراخیلان عسگرین ساغلیق وضعیتینین یاخشی اولمادیغینا ایشاره ائد‌ن مالیکی، عسگرین سربست بوراخیلماسین‌دا کوالیسیون گوجلری، بیرلشمیش میللتلر یمن اؤزل نماینده‌سی مارتین گریفیتس و اولوسلارآراسی قیزیل‌آی تشکیلاتینین قاتقی‌لارینین اولدوغونو دیله گتیردی.

یمن‌لی طرفلر، بیرلشمیش میللتلر حمایه‌سین‌ده سوئدین باشکندی استکهلم‌دا ۶-۱۳ دسامبر ۲۰۱۸ده حیاتا گئچیریله‌ن مشورت توپلانتیلارین‌دا اسیر دییشیمی، حدیده‌ده آتیشکس، لیمانلار و تعزله باغلی آنلاشما ایمضالامیشدی.

حدیده‌ده الده اولونان آتیشکس ائتکینلیگینی قورورکن شهردن چکیلمه و اسیر موبادیله‌سی کیمی آنلاشمانین دیگر ماده‌لری قونوسوندا ایسه طرفلرین بیر بیرینه یؤنلتدیگی اتهاملار کؤلگه‌سین‌ده هله ملموس آددیم آتیلمادی.



ایلگیلی‌لی خبرلر