روحانی:"امریکا بوتون تحریم لره باخمایا‌راق هدفینه چاتا‌بیلمه‌دی"

ایران جمهور باشقانی حسن روحانی امریکانین بوتون تحریم قرارلارینا باخمایا‌راق هدفینه چاتا بیلمه‌دیگینی و حقیقتین رسمی واشینگتن طرفیندن ده اعتراف ائدیلدیگینی سؤیله‌دی.

1131718
روحانی:"امریکا بوتون تحریم لره باخمایا‌راق هدفینه چاتا‌بیلمه‌دی"

ایران جمهور باشقانی حسن روحانی امریکانین بوتون تحریم قرارلارینا باخمایا‌راق هدفینه چاتا بیلمه‌دیگینی و حقیقتین رسمی واشینگتن طرفیندن ده اعتراف ائدیلدیگینی سؤیله‌دی.

روحانی پایتاخت تهران‌داکی ناظیرلر کابینه‌سینین ایجلاسیندان سونرا ائتدیگی مراجعتده امریکانین تحریم لرینه  توخونا‌راق دئدی: امریکانین نفتین صادراتی، ساتیشی و بانک ایشلرینده ایرانی تضییق آلتیندا توتماغا جهد گؤستریر. ممنونیتله ایفاده ائتمه‌لییم کی، نفت ساتیشی باره‌ده موختلیف یول‌لارا مراجعت ائدیریک و امریکانین تحریم قرارینی پوزاجاغیق. امریکانین بوتون تحریم قرارلارینا باخمایا‌راق هدفت چاتا بیلمه‌دی. اونلار دا بونو اعتراف ائتدی‌لر".

ایران پرزیدنتی روحانی امریکا امریکانین “قددارجاسینا و غیری-قانونی تحریملرینین" ساده‌جه خالقین اوزرینده تضییق ائدن بیر فاکتؤر اولدوغونو ایره‌لی سوره‌رک، آپارا‌جاق‌لاری یئنی فعالیت‌لرله بانکچی‌لیق و دیگر ساحه‌لردکی تحریم لری ده تاثیرسیز وضعیته سالا‌جاق‌لارینی بیلدیردی.

ایران اینقیلابی‌نین 40 ایللیک تاریخینده انرژی اوره تیمینین 2 دفعه آرتدیغینی قئید ائدن روحانی بون‌لاری دئدی : " بو گونکو نفت و طبیعی گاز ذخیره لری اینقیلابین ایلک ایللریله موقاییسه‌ده چوخ یوکسک رقم‌لره چیخیب. حاضردا نفت ناظیری‌نین آچیقلادیغی یئنی نفت ذخیره لری ده ایرانین انرژی بازاریندان یوخ اولا بیلمه‌یه‌جک بیر اؤلکه اولدوغونو اورتایا قویموش‌دور".

روحانی بوتون دونیایا آچیق شکیلده ترورلا موباریزه ائتدیک‌لرینی و مالیه موضوع لاریندا دا بو موباریزنی داوام ائتدیره‌جک‌لرینه دایر ضمانت وئره بیله‌جک‌لرینی ده سؤزلرینه علاوه ائتدی.



ایلگیلی‌لی خبرلر