صالحی:"پ.کا.کا-نین سینجارداکی وارلیغی تورکمن‌لرین گوونلیگینه تهدیددیر"
ترور تشکیلاتی پ.کا.کا-نین عراق-ین موصول شهرینه باغلی سینجار قصبه‌سیندکی وارلیغی بؤلگه‌دکی تورکمن‌لرین گوونلیگینه تهدیددیر.
ترور تشکیلاتی پ.کا.کا-نین عراق-ین موصول شهرینه باغلی سینجار قصبه‌سیندکی وارلیغی بؤلگه‌دکی تورکمن‌لرین گوونلیگینه تهدیددیر.
بونو عراق تورکمن جبهه‌سی‌نین صدری ارشاد صالحی آنادولو آژانسینا آچیقلاماسیندا دئییب.
صالحی سینجاردا فعالیت دایره‌سینی گنیشلتمه‌یه باشلایان پ.کا.کا-نین تورکمن‌لر اوچون تهدید اولدوغونو بیل‌دیره‌رک دئییب: "پ.کا.کا سینجار یاخینلیغینداکی 20 تورکمن کندینی اله کئچیرمک ایستییر. بئله بیر وضعیتده تامامی ایله تورکمن‌لرین یاشادیغی تلافر-ین ده امین-آمان‌لیغی تهلوکه ایله قارشی‌لاشا‌جاق‌دیر. تلافر-ده کی سون ترور حادثه لرینین آرخاسیندا پ.کا.کا دایانیر. پ.کا.کا تلافر اوزریندن جوغرافیاسینی گئنیشلن‌دیره‌رک سوریه سرحدینه گئدیب چیخماغی پلانلاشدیریر".
صالحی ترور تشکیلاتی‌نین سینجار قصبه‌سی‌نین آرخاسینداکی عراق ایله سوریه سرحد بوشلوغونو دولدورماغا جهد گؤستردیگینی وورغولایا‌راق بیلدیردی کی، بؤلگه‌دکی جوغرافیاسینی گئنیشلندیرمک ایسته‌ین پ.کا.کا تلافری ده اله کئچیره‌رک، سوریه سرحدینه قدر اوزانماق و اؤزونون قولو اولان ترور تشکیلاتی ی.پ.گ ایله بیرلشمک ایستییر. سینجارداکی یزیدی‌لر ده پ.کا.کا-دان اذیت چکیرلر. ترور تشکیلاتی داعش-دن اذیت چکن یزیدی‌لرین باشی ایندی ده پ.کا.کا ایله درده‌دیر. پ.کا.کا یزیدی گنج‌لری و خصوصیله گنج قادین‌لاری آلدارا‌راق اؤز طرفینه چکیر.
تورکمن لیدر بؤلگه‌نین ثابت‌لیگی اوچون اینکیشافین اهمیت‌لی اولدوغونو و بونو آنجاق تورکیه-نین ائدجگینه ایناندیق‌لارینی دیله گتیریب.
صالحی اوواکؤیده آچیقلامی پلان‌لاش‌دیریلان یئنی سرحد-کئچید منطقه‌سی‌نین فعالیته باشلاماسی ایله بؤلگه‌نین اینکیشاف ائدجگینی قئید ائدیب.
