اینسان حاقلاری متخصصلریندن ایران‌ا چاغری

بیرلشمیش میلتلر تشکیلاتینین (بمت) مستقیل اینسان حاقلاری متخصصلری، ایران‌دا میلی گوونلیک سببیله حبسه محکوم ائدیله‌ن و جدی ساغلیق پروبلئملری یاشایان نازنین زاغری-رتکلیف و نرگس محمدی‌نی عاجل اولاراق اویغون معالیجه و باخیم خیدمتلرینه اریشیم ایمکانی ساغلاما چاغریسی وئردی.

بمت مستقیل اینسان حاقلاری متخصصلری طرفین‌دن یاییملانان یازی‌لی آچیقلامادا، حبس‌ده ساخلانیلان ایران-اینگیلتره وطنداشی زاغری-رتکلیف و اینسان حاقلاری آکتیویستی محمدی‌نین جدی ساغلیق پروبلئملری یاشاماسینا باخمایاراق معالیجه ایمکانلارینین ایران‌لی یئتکی‌لیلر طرفین‌دن انگللندیگی اؤنه سورولدو.

 زاغری و محمدینین بیر چوخ دفعه طلب ائتمه‌لرینه باخمایاراق اویغون ساغلیق خیدمتلرینه چیخیش ایمکانینین رد ائدیلمه‌سی اوزرینه آجلیق ائیلمینه باشلادیغی خاطیرلادیلان آچیقلامادا، "ایران حکومتینه، نازنین زاغری-رتکلیف و نرگس محمدینی عاجل و قید شرط‌سیز اولاراق اویغون معالیجه و باخیم خیدمتلرینه اریشیم ایمکانی ساغلاما چاغریسی ائدیریک" دئییلدی.

 اینگیلتره-ایران ایکی‌لی وطنداشی نازنین زاغری-رتکلیف، ۲۰۱۶دا ایران‌دا "جاسوسلوق" سوچلاماسیلا گؤزآلتینا آلینمیش و ۵ ایل حبس جزاسینا محکوم ائدیلمیشدی.

ایران اینسان حاقلاری ساوونوجولاری مرکزی باشقان کؤمک‌چی‌سی و فعال نرگس محمدی ده "اؤلکه گوونلیگینه قارشی  توطئه قورماق و رژیمه قارشی تبلیغات ائتمک" ایتیهاملارییلا ۱۰ ایل حبسه محکوم ائدیلمیشدی.