یمن حکومتی حوثی لری اوغورلوقدا اتهام ائتدی

یمن-ده حکومت حوثی لری اوچ ایلده اینسانی یاردیم‌لاری داشییان 700-ا یاخین یوک ماشینینی مصادره ائتمکده اتهام ائتدی.

حکومت حوثی لری آیریجا اینسانی یاردیم، تیجارت محصول‌لاری و نفت داشییان 88 گمی‌دکی یاردیم‌لارین اؤلکه‌یه گیرمه‌سینه مانع اولماقدا دا گوناهلاندیردی.

یمن رسمی خبر آژانسی صبانین خبرینه گؤره، حکومته باغلی عالی یاردیم کومیته‌سی‌نین یایدیغی آچیقلامادا حوثی لرین می 2015- ژانویه 2018 تاریخ‌لرینده اینسانی یاردیم‌لار مسئله سینده ائتدیگی ایره‌لی سورولن پوزونتولارا دقت چکیلیب.

آچیقلامادا حوثی لرین پایتاخت صنعا، حدیده، اب، تعز، حاجه و ذمار شهرلرینی بیر-بیرینه باغلایان یورو یول‌لاری ایله نظارتی الینده ساخلادیغی شهرلرین گیریش یئرینده "اینسانی یاردیم داشییان 697 ماشینی مصادره ائده‌رک غارت ائتدیگینی وورغولانیب. همچنین اینسانی یاردیم، تیجارت محصولو و نفت داشییان آزی 88 گمیده اولان یاردیم‌لارین حدیده شهریندکی حدیده و  الصلیف لیمانلاریندان‌ اؤلکه‌یه داخیل اولماسینا ایجازه وئریلمه‌ییب. بو گمی‌لردن 34-نون 6 آی ایچینده کی اینسانی یاردیم‌لارلا مصادره ائدیلدیگی، 4-و سعودیه عربیستانی، 2-سی بیرلشمیش عرب امیرلیک‌لری، بیری تورکیه‌دن اولماقلا 7 گمی‌نین ایسه بومبالاندیغی ایفاده ائدیلیب.

حوثی لر ایسه سؤزوگئدن ادعا‌لارلا علاقه‌دار هر هانسی آچیقلاما وئرمه‌ییب.