یمن حکومتی حدیده خبرلرینی یالانلادی

یمن حکومتی حدیده خبرلرینی یالانلادی

یمن حکومتی حوثیلرین حدیده لیمانیندان چکیلدیغی ایستیقامتین‌دکی خبرلری یالانلادی.

یمن رسمی خبر آژانسی SABA‌نین رسمی بیر قایناغا اساسلاندیردیغی خبرده، حوثیلرین حدیده لیمانین‌دان چکیلدیک‌لری ایستیقامتین‌دکی آچیقلاما‌لاری‌نین حقیقتی عکس ائتدیرمدیگی و بونون ایستوکهولم آنلاشما‌سی‌نین پوزولماسی اولدوغو قئید اولونوب.

حوثیلر، ایستوکهولم آنلاشما‌سی چرچیوه‌سینده اؤلکه‌نین غربین‌دکی حدیده لیمانین‌دان دونن گئجه‌دن اعتباراً چکیلمه پروسسی‌نین ایلک مرحله‌سینی حیاتا کئچیرمه‌یه باشلادیق‌لارینی بیلدیرمیشدی.

بو آددیمین، سوئدین ایستوکهولم شهرینده ایمضا‌لانان آنلاشما‌نین شرط‌لری و حوثی رهبرلری‌نین گؤستریش‌لری اساسیندا آتیلدیغی ایفاده ائدیلمیشدی.

بیرلشمیش میللت‌لر رهبرلیک یئنی‌دن دوزنلمه کووردیناسیونو کومیته‌سی‌نین (RCC) ایلک ایجلاسی، چرشنبه گونو باشلایان و دونن باشا چاتمیشدی.

بیرلشمیش میللت‌لرینین شهره گؤندردیگی بین الخالق آتشکس نظارتچی‌لری قروپو قوموتانی هولند‌لی ژنرال پاتریک کامارت‌ین رهبرلیگین‌دکی توپلانتییا، حوثیلر ایله حکومت گوجلرین‌دن 3ئر نماینده قاتیلمیشدی.

دوزنلمه کووردیناسیونو کومیته‌سی‌نین وظیفه‌سی، بؤلگه‌دکی آتشکس، حدیده‌نین یانیندا، سالیف و راس عیسی لیمان‌لاریندا ایکی طرفه عایید گوج‌لرین قوشون‌لاری‌نین آتشکسین باشلادیغی 18 دسامبر تاریخین‌دن اعتباراً 21 گون عرضینده داها اوّل راضی قالینان یئرلره چکیلمه‌سینی نظارت ائتمک اولاراق بلیرلنمیشدی.

دوزنلمه کووردیناسیونو کومیته‌سی‌نین یارادیلماسینا، 6-13 دسامبر تاریخ‌لرینده سوئدین ایستوکهولم شهرینده بمت یمن اؤزل نماینده‌سی مارتین گریفیت نظارتده کئچیرن یمن موضوعسوندا موذاکیره‌لر نتیجه‌سینده قرار وئریلمیشدی.

سوئد‌دکی موذاکیره‌لرین آردین‌دان حدیده لیمانی و شهری مسئله‌سینده طرف‌لرین راضیلیغا گلدیگی اعلان ائدیلمیش، حدیده و اطرافی اوچون واریلان آتشکس 18 دسامبردا ایجرایه قویولموشدو.