دمشقده بیر ائلچیلیک داها آچیلدی
سوریه رژیمیندن وئریلن آچیقلامادا عرب اؤلکهلرینین دمشقدهکی ائلچیلیکلرینی یئنیدن آچمالاری حالیندا بوندان سئوینج دویولاجاغی بیلدیریلمیشدی
بیرلشمیش عرب امیرلیکلریندن سونرا بحرین ده ۷ ایل سونرا سوریهنین باشکندی دمشقده یئنیدن ائلچیلیک آچدی.
بحرین خاریجی ایشلر باخانلیغیندان وئریلن یازیلی آچیقلامادا، دمشقدهکی ائلچیلیگین یئنیدن وظیفهسینه باشلادیغی بیلدیریلدی.
بحرینین سوریه ایله ایلیشکیلری داوام ائتدیرمک ایستدیگی بیلدیریلن آچیقلامادا، آیریجا، منامهدهکی دمشق ائلچیلیگینین ده وظیفهسینی داوام ائتدیردیگی و ایکی اؤلکه آراسیندا اوچوشلارین کسینتیسیز داوام ائتدیگی بیلدیریلدی.
بحرئن، سوریهده ۲۰۱۱ده ایچ ساواشین باش وئرمهسیندن بیر مدت سونرا دمشقدهکی ائلچیلییگنی باغلامیشدی.
بیرلشمیش عرب امیرلیکلرینین ده دونن سوریهنین باشکندی دمشقدهکی ائلچیلیگینین یئنیدن ایشه باشلادیغی بیلدیریلمیشدی.
سوریه رژیمیندن گئچن آی وئریلن آچیقلامادا عرب اؤلکهلرینین دمشقدهکی ائلچیلیکلرینی یئنیدن آچمالاری حالیندا بوندان سئوینج دویولاجاغی قید ائدیلمیشدی.