روسیا: ایسرائیل، سوریهنین توپراق بوتؤولوگونو پوزوب
روسیا خاریجی ایشلر ناظیرلیگیندن ائدیلن یازیلی آچیقلامادا، ایسرائیلین اوّلکی گون دمشق یاخینلارینا ائتدیگی هاوا سالدیریسی تنقید ائدیلیب
روسیا، ایسرائیلین، سوریهنین توپراق بوتؤولوگونو پوزدوغونو بیلدیریب،
"ایسرائیلین سوریهیه یؤنلیک سالدیریلاری ایله باغلی درین ناراحاتلیق کئچیریریک." آچیقلاماسینی وئریب.
روسیا خاریجی ایشلر ناظیرلیگیندن ائدیلن یازیلی آچیقلامادا، ایسرائیلین اوّلکی گون دمشق یاخینلارینا ائتدیگی هاوا سالدیریسی تنقید ائدیلیب.
ایسرائیل هاوا گوجلرینه عائید 6 عدد اف-16 ساواش اوچاغینین، لبنان هاوا ساحهسی اوزریندن دمشق اطرافینا سالدیریلار حیاتا کئچیردیگی بیلیگینه یئر وئریلن آچیقلامادا،
"ایسرائیل اوچاقلارینین، دمشق و بیروتدا یئرلشن هاوا لیمانلارینا گئدن سیویل اوچاقلارلاری بیر داها قالخان اولاراق ایستیفاده ائدهرک سالدیری حیاتا کئچیردیگینی وورغولاماق لازیمدیر." دئییلدی.
روسیانین، ایسرائیل طرفیندن حیاتا کئچیریلن سالدیریلارا قارشی ناراحاتلیقلارین پایلاشدیغی آچیقلامادا،
"ایسرائیل، 1701 نؤمرهلی قرار، او جملهدن، بیرلشمیش میللتلر امنیت شوراسینین قطنامهلرینی و سوریهنین توپراق بوتؤولوگونو کوبود شکیلده پوزوبدور. ایسرائیلین سوریهیه یؤنلیک سالدیریلاری و سالدیریلارین شکلینه گؤره درین ناراحاتلیق کئچیریریک." ایفادهلری ایستیفاده ائدیلدی.
ایلگیلیلی خبرلر
ایسرائیل اوردوسو لبنانین گونئیینه هاوا هوجومو ائندیریب
ایسرائیل اوردوسونا مخصوص ساواش اوچاقلاری لبنانین گونئیینده ان آزی 13 دفعه 4 نقطهنی ووروب