ایرانلی مقاملارا رشوه وئردیگی اوچون جریمه ائدیلدی
پارس نفت و گاز شیرکتی باش مودورو محمد مشکینفام، روشوه ادعاسینین گونئی پارس گاز ساحهلرینین ۲.جی و ۳.جو فازلارییلا ایلگیلی اولدوغونو سؤیلهدی
فراسا انرژی شیرکتی توتال، ایراندا بیر دوغال گاز ساحهسینین ۱۹۹۷ ایلینده سونوجلانان ایشلتمه آنلاشماسی ایله ایلگیلی ایرانلی یئتکیلیلره روشوه وئردیگی ادعاسییلا ائدیلن شکاینده ۵۰۰ مین یورو جریمهیه محکوم ائدیلدی.
توتال شیرکتی، فرانسانین باشکندی پاریسده گرچکلشن محکمهده، ۱۹۹۷ده سونوجلانان ایرانلا انرژی آنلاشماسیندا امتیاز الده ائدهبیلمک اوچون ایرانین اسکی جمهورباشقانی علی اکبر هاشمی رفسنجانینین اوغلو مهدی هاشمینین شیرکتینه ۳۰ میلیون دلار یاسا دیشی پول وئردیگی سببی ایله جریمه اؤدمهیه محکوم ائدیلدی.
فرانسا محکمهسی، ساوجیلارین توتالین ۲۵۰ میلیون یورو مال وارلیغینا ال قویما چاغریسینی ایسه رد ائتدی.
قرارین آردیندان تیوتر حسابیندان آچیقلاما یاییملایان توتال یؤنتیم قورولو باشقانی پاتریک پویان، "(توتال شیرکتینین او دؤوردهکی باشقانی) کریستوف دو مارژرینی تانییان هر کس اونون هئچ بیر شکیلده مالی فسادا قاریشمایاجاغینی بیلیر" ایفادهسینی ایشلتدی.
ایرانلی اؤیرنجیلر خبر آژانسی ایسنایا گؤره، تشکیل ائتدیگی مطبوعات کنفرانسیندا بو قونویا توخونان ایرانین پارس نفت و گاز شیرکتی باش مودورو محمد مشکینفام، روشوه ادعاسینین گونئی پارس گاز ساحهلرینین ۲.جی و ۳.جو فازلارییلا ایلگیلی اولدوغونو سؤیلهدی. یارغی پروسهسی ایله ایلگیلی فرانسانین اؤزلرینه هله یازیلی بیر سند سونمادیغینی بیلدیرن مشکینفام، "بو مؤوضوع حاقیندا الیمیزده سند یوخدور. مسئله فرانسا طرفیندن تعقیب ائدیلدی" دئدی.
مالی فساد ادعاسی، بیر طبیعی گاز ساحهسینین ۱۹۹۷.جی ایلده نتیجهلنن ایشلتمه آنلاشماسی ایله ایلگیلی اولاراق اورتایا آتیلمیشدی. سوئیسده آچیلان بیر بانک حسابی قوللانیلاراق ایرانلی بیر آراچییا توتالدان پول آخیشینین گؤزلنمهسی سونوندا آراشدیرما یاشلادیلمیش، پول آخیشینین ۱۹۹۵دن ۲۰۰۴.جو ایله قدر سوردویو ادعا ائدیلمیشدی.
شیرکتین اسکیباشقانی مارژری، ۲۰۱۴.جو ایلده روسیانین باشکندی موسکوادا اؤزل اوچاغینا قار تمیزلهمه ماشینینین وورماسی نتیجهسینده حیاتینی ایتیرمیشدی.
توتال، عینی ادعالارلا آمریکادا آچیلان و ۲۰۱۳ده نتیجهلنن شکایتده محکمه طرفیندن ۳۹۸ میلیون دلار جریمهیه محکوم ائدیلمیشدی.
ایلگیلیلی خبرلر
ایسرائیل اوردوسو لبنانین گونئیینه هاوا هوجومو ائندیریب
ایسرائیل اوردوسونا مخصوص ساواش اوچاقلاری لبنانین گونئیینده ان آزی 13 دفعه 4 نقطهنی ووروب