ایسرائیلده سورگون حاضیرلیغی
ایسرائیل ناظیرلر کابینهسی یاساما کومیسیونو، ایسرائیل وطنداشلارینین اؤلدورولمهسیندن مسئول فیلیسطینلیلرین عائلهلرینین غرب اوردونداکی ائولریندن چیخاریلماسینا یؤنهلیک قانون لاییحهسینی تصدیق ائدیب

ایسرائیل ناظیرلر کابینهسی یاساما کومیسیونو، ایسرائیل وطنداشلارینین اؤلدورولمهسیندن مسئول فیلیسطینلیلرین عائلهلرینین غرب اوردونداکی ائولریندن چیخاریلماسینا یؤنهلیک قانون لاییحهسینی تصدیق ائدیب.
یدیعوت خرونوت قزئتینین خبرینه گؤره، ایسرائیل وطنداشلارینی اؤلدورن فیلیستینلیلرین عایلهلرینین باتی اوردونداکی ائولریندن قووولماسینی تامین ائدن قانون لاییحهسی قبول اولوندو.
آشیری ساغچی یهودی ائوی پارتیسی میللت وکیلی موتی یوگئو طرفیندن تقدیم اولونان قانون لاییحهسینه گؤره، بیر یهودینین اؤلومونه سبب اولان عملیاتی ایجرا ائدن شخصین بیرینجی درجهدن قوهوملاری 7 گون عرضینده غرب اوردونداکی ائولریندن قووولاراق یئنه غربی اوردون باشقا یئره سورگون ائدیلهجک.
قانون لاییحهسینین حیاتا کئچمهسی اوچون ایسرائیل حکومتینین آردیندان، پارلامنتده دا تصدیق اولونماسی لازیمدیر.
قزئته گؤره، حکومتین یارغی موشاویری آویچی مندلبلیت، حقوقی اولمادیغینی بیلدیرهرک لاییحهیه قارشی چیخیر.
مندلبلیت، بو لاییحهنین اولوسلار آراسی حقوقا ضد اولدوغونا دایر حاضیرلادیغی راپورو حکومتین یاساما کومیسیونونا داها اؤنجهدن بیلدیرمیشدی.
مندلبلیت، عائلهنین یاشادیغی ائودن تخلیهسی اوچون عائلهنین اتهام مستقیم بیر علاقهسینین اولماسی لازیم اولدوغونو بیلدیریر.