ایراندان یمن آچیقلاماسی: اومود وئریجی
"یمنین ازیلهن خالقینین پیس شرطلرینی تام اولاراق درک ائتدیگینی گؤستریر"
ایران، سوئدده یمن حکومتی ایله حوثیلر آراسیندا واریلان آنلاشمالاری، دانیشیقلارین داوامی اوچون "اومود وئریجی" اولاراق دگرلندیردی.
ایران خاریجی ایشلر باخانلیغی سؤزچوسو بهرام قاسمی، سوئدده دونن باشا چاتان یمن دانیشیقلارینا دایر وئردیگی یازیلی آچیقلامادا، طرفلر آراسیندا آنلاشمالارین مثبت و گوون آرتیریجی اولدوغونو بیلدیردی.
حدیده مسئلهسینده واریلان آنلاشمانین چوخ اؤنملی اولدوغونو دیله گتیرن قاسمی،
"بو آنلاشما، مذاکیرهلرده یئر آلان یمنلی قروپلارین یمنین ازیلهن خالقینین پیس شرطلرینی تام اولاراق درک ائتدیگینی گؤستریر" ایفادهسینی ایشلتدی.
سوئدده الده ائدیلهن نتیجهنین دانیشیقلارین داوامی اوچون "اومود وئریجی" اولدوغونو قید ائدن قاسمی، آنلاشمالارین معین ائدیلهن چرچیوهده تطبیق اولونماسینی اومود ائتدیکلرینی، بو سایهده نهایی آنلاشمایا چاتماق اوچون دانیشیقلارین داوامینین تامین ائدیلهجگینی ایفاده ائتدی.
بیرلشمیش میللتلر حمایهسینده ۶-۱۳ دسامبردا سوئدده ائدیلن یمن قونوسوندا مشاویره توپلانتیلاریندا، اسیر و توتوقلولارین سربست بوراخیلماسی، حدیدهدهکی چاتیشمالار، مرکزی بانکین وضعیتی، تعز محاصرهسی، انسانی یاردیملارین چاتدیریلماسی و صنعا هاواآلانی وضعیتی کیمی دارتیشمالی مسئلهلر مذاکیره ائدیلمیشدی.
حدیده لیمانیندان حربی گوجلرین چیخاریلماسی و اسیر مبادیلهسینده آنلاشان طرفلر، تعز شهرینه انسانی یاردیم دهلیزی آچیلماسی اوچون بیر کمیته یارادیلاراق دانیشیقلارا باشلانماسی مسئلهسینده ده آنلاشمیشدی.
