القرضاوی، قیرمیزی اعلان لیسته‌سیندن چیخاریلدی

اینترپل، اسکی دونیا مسلمان عالیملر بیرلیگی باشقانی یوسف القرضاوینین آدینی قیرمیزی اعلان لیسته‌سیندن چیخاردی

1105855
القرضاوی، قیرمیزی اعلان لیسته‌سیندن چیخاریلدی

دونیا مسلمان عالیملر بیرلیگینین اسکی باشقانی یوسف القرضاوی، قیرمیزی اعلانلا آختاریلانلار لیسته‌سین‌دن چیخاریلدی.

اولوسلارآراسی پلیس تشکیلاتی (اینترپل)، اسکی دونیا مسلمان عالیملر بیرلیگی باشقانی یوسف القرضاوینین آدینی قیرمیزی اعلان لیسته‌سیندن چیخاردی.

القرضاوینین مطبوعات افیسین‌دن وئریله‌ن یازی‌لی آچیقلامادا، القرضاوینین، "طرفسیزلیک و شفاف‌لیق‌دان محروم مصر محکمه‌سینین طلبیله علاوه اولوندوغو قیرمیزی اعلانلا آختارانلار لیسته‌سین‌دن آدینین قالدیریلماسین‌دان" ممنونیت دویولدوغو ایفاده اولوندو.

مصر مقاملارینین "قیرمیزی اعلان طلبیله ائش زامان‌لی اولاراق، القرضاوی و یوزلرجه انسانین مال وارلیقلارینا حقوق‌سوز شکیل‌ده ال قویدوقلارینا" ایشاره ائدیله‌ن آچیقلامادا، القرضاوینین اولوسلارآراسی قانونلار و پرینسیپلر چرچیوه‌سین‌ده آختارما قرارینی دوردوران اینترپلون ایلگیلی کمیته‌سینه تشکر ائتدیگی بیلدیریلدی.

آچیقلاما‌دا آیریجا یوسیف القرضاوینین قیزی اعلا القرضاوی و کورکه‌نی حسام خلفین حقوق‌سوز شکیل‌ده، حجره حبسین‌ده توتولدوغونا دقت چکیلدی.

لیون مرکزلی تشکیلاتین رسمی اینترنت سایتین‌دا دسامبر ۲۰۱۴ده یاییملانان قراردا، مصر و قطر وطنداشی اولان یوسف القرضاوی اوچون، "قصداً سوچ ایشله‌نمه‌سینه تشویق و یاردیم، دوستاقلارین قاچماسینا یاردیم، اودا وئرمه، واندالیزم و سویغونچولوق" سوچلارین‌دان قیرمیزی اعلانن چیخاریلدیغی بیلدیریلمیشدی.

قطرده یاشادیغی بیلینن القرضاوی، مصرده سئچیلمیش ایلک پرزیدنت محمد مورسینین حربی چئوریلیشله وظیفه‌سین‌دن اوزاقلاشدیریلماسینا قارشی چیخمیش و چئوریلیشین آردین‌دان جمهورباشقانی سئچیله‌ن عبدالفتاح السیسنی سرت دیلله تنقید ائتمیشدی.

مصر محکمه‌سینین، القرضاوی حاقین‌داکی اتهاملاری اساس گؤستره‌رک، دسامبر ۲۰۱۳ده، حاقین‌دا قیرمیزی اعلان چیخاریلماسی اوچون اینترپلا مراجعت ائتدیگی بیلدیریلمیشدی.

اینترپل، مصرین طلبی ایله، مسلمان قارداشلار تشکیلاتی (اخوان) یؤنتیجیسی بیر چوخ اینسان حاقین‌دا دا قیرمیزی اعلانلا آختارما قراری چیخارمیشدی.



ایلگیلی‌لی خبرلر