روحانی‌دن سو پروبلمینه قارشی تکلیف

ایران پرزیدنتی حسن روحانی، اؤلکه‌دکی سو پروبلمی‌نین حلی اوچون خزر دنیزی و فارس کؤرفزین‌دن سو ترانسفری ائدیلمه‌سی لازیم اولدوغونو سؤیله‌دی

1105728
روحانی‌دن سو پروبلمینه قارشی تکلیف

ایران پرزیدنتی حسن روحانی، اؤلکه‌دکی سو پروبلمی‌نین حلی اوچون خزر دنیزی و بصره کؤرفزین‌دن سو ترانسفری ائدیلمه‌سی لازیم اولدوغونو سؤیله‌دی.

ایران رسمی آژانسی ایرنانین خبرینه گؤره، باشکند تهراندا ناظیرلر کابینه‌سی‌نین ایجلاسینا قاتیلان روحانی، اؤلکه‌دکی سوسوزلوق پروبلمی‌نین حلّینه دایر بیانات‌لار وئردی.

اؤلکه‌نین قوراق بیر مکاندا یئر آلدیغینا دقتی چکن روحانی،

" ایرانین سو پروبلمی دئییل پلانلاشدیرما پروبلمی وار. جنوب و شمالدا سو وار. نئجه اولور کی، فارس کؤرفزی‌نین جنوبون‌داکی اؤلکه‌لر بو سولاری ایستیفاده ائدیر دا بیز قوللانمایریق." دئدی.

روحانی، ایرانین شمالین‌داکی خزر دنیزین‌دن ده اؤلکه‌دکی موختلیف نقطه‌لره سو ترانسفری حیاتا کئچیریله بیله‌جگینی قئید ائده‌رک،

"دیگر اؤلکه‌لر خزر دنیزی‌نین سویون‌دان ایستیفاده ائدرکن بیز ایزلییریک." دئیه دانیشدی.

خزر دنیزینه ساحیلی اولان اؤلکه‌لردن بعضی‌لری‌نین دنیز سویونو تمیزلنه‌رک ایستیفاده‌یه یارارلی حالا گتیردیگینه ایشاره ائدن روحانی، ایرانین دا بو شکیلده شمال‌داکی بؤلگه‌لرین سو پروبلمینی گیدره‌بیله‌جگینی ایفاده ائتدی.

روحانی،

یاتیریمجیلاری چکمه‌لی، دنیز سویونو دوزدان تمیزلمه‌لی و بو سویو اؤلکه‌نین مرکز بؤلگه‌لری ایله احتیاج دویولان دیگر ساحه‌لره چاتدیرمالیییق." ایفاده‌سینی ایستیفاده ائتدی.

ایراندا قوراق‌لیق و اولونان خطا‌لی سو سیاست‌لری سببیله سون ایللرده اؤلکه‌نین موختلیف نقطه‌لرینده سوسوزلوق باش وئریر.

سو پروبلمی، اکینچیلیک منفی تأثیر ائدرکن حیاتینی اکینچی‌لیک ائده‌رک تامین ائدن بؤلگه خالقی‌نین دا شهر مرکزلرینه گؤچ ائتمه‌سینه سبب اولور.

خصوصیله اؤتن یاز اؤلکه‌نین موختلیف شهرلرینده اعتراضلارا یول آچان سو پروبلمی مجلیس‌دکی 18 میللت وکی‌لی‌نین ایستعفاسینا سبب اولموشدو.

ایراندا 18 میللت وکیلی اصفهان‌داکی سو تجهیزاتی پروژه‌لری‌نین گله‌جک ایل اوچون حاضیرلانان بودجه پروژه‌سین‌دن چیخاریلماسینا اعتراض اولا‌راق اؤتن هفته ایستعفا وئردیک‌لرینی بیلدیرمیشدی.



ایلگیلی‌لی خبرلر