پاشینیان سئچکیلرده غالیب گلدی
نیکول پاشینیانین باشچیلیق ائتدیگی "منیم آددیمیم" بلوکو 70،4 % سسله غالیب گلیب.
ارمنیستان مرکزی سئچکی کمیسیونو اؤتن گون کئچیریلن نوبه دن کنار پارلامئنت سئچکیلرینین ایلکین نتیجهلرینی آچیقلادی.
نتیجهلره گؤره، اؤلکهده 2،5 میلیون سئچیجیدن 48،6%-ی سس وئریب.
نیکول پاشینیانین باشچیلیق ائتدیگی "منیم آددیمیم" بلوکو 70،4 % سسله غالیب گلیب.
ارمنیستان پارلامئنتینه پاشینیانین بلوکو ایله یاناشی ایکی پارتی دا داخیل اولا بیلیب.
بونلار 8،2 % سس توپلایان ایش آدامی گاگیک تساروکیانین لیدرلیک ائتدیگی "چیچکلنن ارمنیستان" و 6،3 % سس توپلایان ادمون ماروکیانین باشچیلیق ائتدیگی "ایشیقلی ارمنیستان" پارتیلاریدیر.
ارمنیستانین سابیق پرزیدنتی سرژ سارکیسیانین جمهوریتچی پارتیسی 4،7 %، داشناک پارتیسی ایسه 3،9% سسله پارلامئنته گیره بیلمهدیلر.
ارمنیستان-دا بلوکلار اوچون 7 %، تک باشینا ایشتیراک ائدن سیاسی پارتیلر اوچون 5% مینیموم حد تطبیق اولونور.
بو دفعه کی پارلامئنت سئچکیلرینده سئچیجیلرین فعاللیق سویهسی چوخ آشاغیدیر.
تخمینن 2،5 میلیون سئچیجینین یالنیز 48،6 %-ی سس وئرمهده ایشتیراک ائدیب.
اوولکی سئچکیلرده ایسه بو نیسبت 60%. اولموشدو.
نوبه دن کنار پارلامئنت سئچکیلرینده 11 پارتی و اتفاق یاریشیب.
اوریل آییندا اؤلکهیه 10 ایل پرزیدنتلیک ائدن سرژ سارکیسیانین آنایاساداکی دییشیکلیک ائتدیکدن سونرا باش ناظیر اولاراق حاکمیتده قالماسینا اعتراض ائدن اون مینلرله وطنداش یولسوزلوق ایله موباریزه و دموکراسی کیمی طلبلرله میتینقلر کئچیرمیشدی.
سارکیسیانین ایستعفاسینا سبب اولان نوماییشلره لیدرلیک ائدن پاشینیان 105 یئرلیک پارلامئنتده پارتیسینین جمعی 9 عضوونون اولماسینا باخمایاراق، سس چوخلوغو ایله باش ناظیر سئچیلمیشدی.
پاشینیان اؤلکهده نوبه دن کنار سئچکیلرین کئچیریلمهسی طلبی ایله اکتبر آییندا باش ناظیر وظیفهسیندن ایستعفا وئرمیشدی.
بوندان سونرا پارلامئنتده ایکی سس وئرمه کئچیریلمیش، لاکین باش ناظیر وظیفهسینه سئچیلن اولمامیشدی.
دسامبرین 9-دا نوبه دن کنار پارلامئنت سئچکیلرینین کئچیریلمهسینه و پاشینیانین بو مودتده موقتی اولاراق باش ناظیر وظیفهسینی ایجرا ائتمهسینه دایر قرار قبول اولونموشدو.
5 ایل مدتینه سئچیلن پارلامئنت عضولری یاخین گونلرده اؤلکهنین باش ناظیرینی سئچهجکلر.
ایلگیلیلی خبرلر
ایسرائیلین غزه زولاغینا هوجوملاریندا اؤلو سایی آرتیب
حیاتینی ایتیرنلرین سایینین 33 مین 899-آ، یارالیلارین سایینین ایسه 76 مین 664-ه یوکسلدیگی بیلدیریلیب